গুৱাহাটীঃ তেওঁলোকৰ উন্নয়নমূলক কাৰ্যসূচীৰ অংশ হিচাপে সদৌ অসম কাবদ্দী সন্থাই মহানগৰীত ৰেফাৰী আৰু প্ৰশিক্ষকৰ ক্লিনিকৰ আয়োজন কৰিব। সংবাদ মাধ্যমক সম্বোধন কৰি সদৌ অসম কাবদ্দী সন্থাৰ সম্পাদক আলোক ত্ৰিপাঠীয়ে কয় যে অহা ১৫-১৬ ছেপ্টেম্বৰত সৰুসজাই ক্ৰীড়া কমপ্লেক্সত এখন ৰেফাৰী ক্লিনিক অনুষ্ঠিত হ'ব। ইয়াৰ পিছতে একেটা স্থানতে ১৮-২১ ছেপ্টেম্বৰলৈ প্ৰশিক্ষকৰ ক্লিনিক অনুষ্ঠিত হ'ব। লগতে এই ক্লিনিকসমূহ পৰিচালনাৰ বাবে খেলৰ কেইজনমান শীৰ্ষ বিশেষজ্ঞ এইচ ভি নটৰাজ, প্ৰ' কাবদ্দী লীগৰ কাৰিকৰী তত্বাৱধায়ক, দ্ৰোণাচাৰ্য বঁটাপ্ৰাপ্ত ই প্ৰসাদ ৰাও আৰু আন্তঃৰাষ্ট্ৰীয় ৰেফাৰী অজিত কুমাৰক আমন্ত্ৰণ জনায় সন্থাই। ত্ৰিপুৰা আৰু মণিপুৰৰ লগতে ৰাজ্যৰ বিভিন্ন প্ৰান্তৰ প্ৰায় ১৬০ জন ৰেফাৰীয়ে এই ক্লিনিকসমূহত অংশগ্ৰহণ কৰিব।
ইফালে ,অহা ২৭ ছেপ্টেম্বৰৰ পৰা ডিটিআৰপি ইনড'ৰ ষ্টেডিয়ামত ল'ৰা-ছোৱালীৰ বাবে সদৌ অসম অনূৰ্ধ্ব ১৩ মিনি আৰু চাব জুনিয়ৰ আন্তঃজিলা কাবদ্দী চেম্পিয়নশ্বিপ অনুষ্ঠিত হ'ব।
লগতে পঢ়ক:মিংমাং স্কুল ব' আউট
