বিল আৰু মেলিণ্ডা গেটছৰ কন্যা জেনিফাৰে ১৬ অক্টোবৰত তেওঁৰ দীৰ্ঘদিনীয়া প্ৰেমিক নাইল নাছাৰৰ সৈতে বিবাহ পাশত আৱদ্ধ হয়। নাইল ইজিপ্তিয়ান-আমেৰিকান পেছাদাৰী অশ্বাৰোহী। আনহাতে, জেনিফাৰ মাউণ্ট চিনাইৰ ইকেন স্কুল অৱ মেডিচিনত তৃতীয় বৰ্ষৰ এমডি পাঠ্যক্ৰমৰ শিক্ষাৰ্থী। তেওঁলোক দুয়োজন ষ্টেনফ'ৰ্ডৰ স্নাতক যি অশ্বাৰোহী বৰ্তনীত লগ পাইছিল আৰু ২০১৭ চনত দুয়োৰে সাক্ষাত ঘটে।
দম্পতীহালৰ বিয়া নিউয়ৰ্কৰ ৱেষ্টচেষ্টাৰ কাউণ্টিত তেওঁলোকৰ ফাৰ্মত হয় । জেনিফাৰে এটা উজ্জল কাষ্টম ভেৰা ৱাং গাউন পিন্ধিছিল। নাইলে বিশেষ দিনটোৰ বাবে বগা চাৰ্টৰ সৈতে এটা ক্লাছিক ক'লা টাক্সেডো বাছনি কৰে।
জেনিফাৰে অভ্যৰ্থনাৰ বাবেও ভেৰা ৱাংক বাছনি কৰিছিল।তেওঁ এটা কাষ্টম ফৰাচী মেক্ৰেম লেচ ট্ৰাম্পেট গাউন পিন্ধিছিল।
জেনিফাৰ আৰু নায়ালে মাৰ্চি ব্লুম ইভেণ্টছৰ সৈতে তেওঁলোকৰ আড়ম্বৰপূৰ্ণ বিবাহৰ বাবে কাম কৰিছিল আৰু ফুলৰ ডিজাইনবোৰ ঋষি পেটেলে এইচএমআৰ ডিজাইনৰ পৰা কৰিছিল। সুন্দৰ বিবাহৰ কেকটো চিলভিয়া ৱেইনষ্টকে ডিজাইন কৰিছিল, যি অৱসৰৰ পৰা ওলাই আহি ছয় স্তৰৰ কেক এটা তৈয়াৰ কৰিছিল।
বিয়ালৈ আমন্ত্ৰণ জনোৱা অতিথিসকলক সম্পূৰ্ণৰূপে টিকাকৰণ কৰা হৈছিল আৰু বিয়াৰ আগতে নেতিবাচক পৰীক্ষাৰ ফলাফল প্ৰাপ্ত কৰিব লাগিছিল। "আমি আমাৰ প্ৰিয়জনৰ সৈতে সুৰক্ষিতভাৱে একত্ৰিত হ'বলৈ সক্ষম হোৱাৰ বাবে অবিশ্বাস্যভাৱে সৌভাগ্যৱান অনুভৱ কৰোঁ। আমি জানো যে আনসকল সিমান ভাগ্যৱান নহয়, বিশেষকৈ যিহেতু মহামাৰীটোৱে আমেৰিকা যুক্তৰাষ্ট্ৰ আৰু সমগ্ৰ বিশ্বৰ সম্প্ৰদায়সমূহক ধ্বংস কৰি আছে," জেনিফাৰে কয়।
আৰু চাব পাৰেঃ অধিক উজলি উঠিছে দক্ষিণৰ ছবি তাৰকা ধনঞ্জয়
