অভিনেত্ৰী মালাইকা অৰোৰাৰ পুত্ৰ আৰহানে ঘৰৰ পৰা বাহিৰত থাকি পঢ়িবলৈ গৈছে ৷ পুত্ৰৰ স্মৃতিয়ে মাজে-সময়ে ব্যাকুল কৰে জনপ্ৰিয় অভিনেত্ৰীগৰাকীক৷ ইনষ্টাগ্রামত দিয়া অভিনেত্ৰী গৰাকীৰ প'ষ্টৰ পৰা জানিব পৰা গৈছে যে তেওঁ পুত্ৰ আৰহানে যোৱা সোমবাৰে মুম্বাইৰ বিমানবন্দৰৰ পৰা নিৰ্দিষ্ট স্থানলৈ উৰা মাৰে ৷
অভিনেত্ৰীগৰাকীয়ে পুত্ৰ আৰহানৰ সৈতে তোলা এখন ধুনীয়া ফটো ইনষ্টাগ্ৰামত শ্বেয়াৰ কৰিছে ৷ ফটোখনৰ সৈতে লিখিছে " যিহেতু বৰ্তমানে আমি দুয়ো এক নতুন যাত্ৰাত নামি পৰিছো, দুয়োৰে মনত ভয়, উদ্বিগ্নতা, উত্তেজনা আদিৰ মিশ্ৰিত অনুভৱৰ লহৰ উঠিছে ৷ কিন্তু আৰহান, সম্প্ৰতি মই এটা কথাই জানো যে মই তোমাক লৈ বহু গৰ্বিত । এতিয়া সময় তোমাৰ, পাখি মেলিবলৈ আৰু উৰিবলৈ। বহুত মনত পৰিছে তোমালৈ।"
