আৰু আঠজন পজিটিভ চিনাক্তঃ অসমত ক'ৰ'না আক্ৰান্তৰ সংখ্যা ২৩০জনলৈ বৃদ্ধি
অসমৰ ক'ৰ'না মহামাৰীজনিত পৰিস্থিতি অধিক উদ্বেগজনক হৈ পৰিছে৷ শেহতীয়া তথ্য অনুসৰি এই মহামাৰীত আক্ৰান্তৰ সংখ্যা সম্প্ৰতি ২৩০জনলৈ বৃদ্ধি পাইছে ৷ স্বাস্থ্য মন্ত্ৰী হিমন্ত বিশ্ব শৰ্মাই প্ৰকাশ কৰা অনুসৰি আজি বিয়লি নতুনকৈ আঠজন লোকৰ শৰীৰত ক'ৰ'না ভাইৰাছৰ উপস্থিতি ধৰা পৰে ৷ আটাইকেইজন কোৱাৰেণ্টিন চেণ্টাৰত আছে ৷ সম্প্ৰতি ৰাজ্যত ক'ৰ'না ভাইৰাছ সক্ৰিয় হৈ থকা লোকৰ সংখ্যা ১৬৯ জনলৈ বৃদ্ধি পাইছে ।৪৮জনে সুস্থ হৈ চিকিৎসালয়ৰ পৰা ঘৰলৈ গৈছে ৷ স্বাস্থ্য মন্ত্ৰী শৰ্মাই প্ৰকাশ কৰা অনুসৰি এই আঠজন ক'ৱিড আক্ৰান্তৰ এজন গুৱাহাটীৰ মহেন্দ্ৰ মোহন চৌধুৰী হাস্পতালত, এজন শিলচৰ মেডিকেল কলেজ হাস্পতালত আৰু আন ছজন কাচাৰৰ৷
