স্বস্তিৰ বতৰাঃ অসমত সুস্থ হৈ চিকিৎসালয়ৰ পৰা উভতিল আৰু সাত ক'ৱিড আক্ৰান্ত
ক'ৰ'না আতংকৰ মাজতে এক সুখবৰ! চিকিৎসাধীন সাতজন ক'ৰ'না আক্ৰান্ত সুস্থ হৈ চিকিৎসালয়ৰ পৰা ঘৰলৈ উভতিল ৷ এই কথা সদৰী কৰিছে স্বাস্থ্য মন্ত্ৰী হিমন্ত বিশ্ব শৰ্মাই । এই ক'ৰ'না আক্ৰান্ত কেইজন ৰাজ্যৰ বিভিন্ন চিকিৎসালয়ত চিকিৎসাধীন হৈ আছিল ৷ আটাইকেইজনক চিকিৎসালয়ৰ পৰা আজি যৰবলৈ দিয়াৰ কথা সদৰী কৰি স্বাস্থ্য মন্ত্ৰী শৰ্মাই এটা টুইটত কয়, " আজি সাতজন ক'ৰ'না আক্ৰান্তক চিকিৎসালয়ৰ পৰা যাবলৈ দিয়া হয় ৷ এইসকলৰ মাজত গুৱাহাটী চিকিৎসা মহাবিদ্যালয় হাস্পতালৰ ডাঃ লিটিকেশ দাসো আছে ৷ আনকেইজনৰ দুজন যোৰহাট চিকিৎসা মহাবিদ্যালয় হাস্পতাল আৰু দুজন শিলচৰ চিকিৎসা মহাবিদ্যালয় হাস্পতালত চিকিৎসাধীন হৈ আছিল ৷" এই সাতজনক চিকিৎসালয়ৰ পৰা যাবলৈ দিয়াৰ লগে লগে ৰাজ্যত চিকিৎসাধীন ক'ৰ'না আক্ৰান্তৰ সংখ্যা বা কতৰ'না পজিটিভ লোকৰ সংখ্যা ১০২জনলৈ হ্ৰাস পাইছে ৷
উল্লেখ্য যে কালিৰ দিনটোত বিগত দিনসমূহৰ তুলনাত সৰ্বাধিক ৪২জন ক'ৰ'না চিনাক্ত হয় ৷ ইয়াৰ পৰিপ্ৰেক্ষিতত কালিৰ দিনটোক এটা ক'লা দিনৰূপে চিহ্নিত কৰা হৈছে ৷ আনহাতে, দেশত ক'ৰ'না আক্ৰান্তৰ সংখ্যা লক্ষাধিক হৈছে ৷ তদুপৰি এই পৰ্যন্ত ৩,৩১৬জন ক'ৰ'না আক্ৰান্ত মৃত্যুমুখত পৰিছে ৷
আৰু পঢ়িব পাৰেঃদিল্লীত যমুনা নৈৰ পাৰত পঞ্চভুতত বিলীন হ'ল অসমৰ অজিত শইকীয়া