Top
Begin typing your search above and press return to search.

থলুৱা ধানৰ বীজ সংৰক্ষণৰ বাবে যুৱ কৃষক মহান বৰালৈ কেন্দ্ৰীয় চৰকাৰৰ বঁটা

থলুৱা ধানৰ বীজ সংৰক্ষণৰ বাবে  যুৱ কৃষক মহান বৰালৈ কেন্দ্ৰীয় চৰকাৰৰ বঁটা

Sentinel Digital DeskBy : Sentinel Digital Desk

  |  26 Feb 2019 1:25 PM GMT

থলুৱা ধানৰ বীজ সংৰক্ষণৰে ৰাজ্যলৈ এজন অসম সন্তানে কঢ়িয়াই আনিছে ৰাষ্ট্ৰীয় পৰ্যায়ৰ সন্মান । অসমৰ পৰম্পৰাগত থলুৱা ধানৰ বীজ সংৰক্ষণৰ সৈতে বিগত বহু বছৰ ধৰি জড়িত হৈ থকা যোৰহাটৰ যুৱ কৃষক মহান চন্দ্ৰ বৰাক সন্মানিত কৰিছে কেন্দ্ৰীয় চৰকাৰে । কেন্দ্ৰীয় চৰকাৰৰ কৃষি আৰু কৃষক কল্যান মন্ত্ৰালয়ে যুৱ কৃষক বৰাক , "প্লাট জেনম চেভিয়'ৰ ফাৰ্মাৰ্চ " বঁটাৰ বাবে নিৰ্বাচিত কৰা হয় |

যোৰহাটৰ মেলেং কাঠ গাঁওৰ মহান বৰাক মাৰ্চ মাহৰ প্ৰথম সপ্তাহত নতুন দিল্লীত কেন্দ্ৰীয় কৃষি আৰু কল্যান মন্ত্ৰী ৰাধা মোহন সিঙে আনুষ্ঠানিকভাৱে এই বঁটা প্ৰদান কৰিব । নতুন দিল্লীৰ মেলা গ্ৰাউণ্ডৰ আই এ আৰ আই পুছা চৌহদত অহা ৫-৭ মাৰ্চলৈ অনুষ্ঠিত হবলগীয়া কৃষি উন্নতি মেলাৰ অনুষ্ঠানতে তেওঁক এই বঁটা প্ৰদান কৰিব ।

ইতিমধ্যে কেন্দ্ৰীয় দপ্তৰটোৰ পঞ্জীয়ক ৰৱি প্ৰকাশে পত্ৰযোগে বঁটা প্ৰাপক বৰাক অনুষ্ঠানলৈ আমন্ত্ৰণ কৰিছে ।কেন্দ্ৰীয় চৰকাৰে বৃক্ষৰ জেনেটিক সম্পদৰ গৱেষণামূলক কাম কৰা লোকক প্ৰতি বছৰে এই বঁটা প্ৰদান কৰি আহিছে । উল্লেখযোগ্য যে প্ৰায় আঢ়ৈশ থলুৱা ধানৰ বীজ সংৰক্ষণৰ কামত ব্ৰতী হৈ আছে কৃষক মহান বৰা| অসমৰ কৃষক মহান বৰাৰ লগতে পৰম্পৰাগত ঔষধি গছৰ সংৰক্ষণৰ কামত বিগত সময়ছোৱাত জড়িত হৈ থকা লখিমপুৰৰ বিহপুৰীয়াৰ ড' প্ৰবীন শইকীয়াকো এই বঁটাৰ বাবে বাচনি কৰা হৈছে ।

Next Story