আজি জম্বুৰ বাছ আস্থানত হোৱা ভয়াবহ গ্ৰেনেড বিস্ফোৰণ সংঘটিত কৰিছিল হিজবুল মুজাহিদিনে । এই তথ্য প্ৰকাশ কৰিছে জম্বুৰ আৰক্ষীৰ মহা নিৰীক্ষক মনিশ কে সিংহায়ে । ইতিমধ্যে এজনক আটক কৰিবলৈ সক্ষম হৈছে। য়াচিৰ ভাট্ট নামৰ এজনক আটক কৰিছে আৰক্ষীয়ে । বিস্ফোৰণ সংঘটিত হোৱাৰ পাছতে প্ৰতক্ষ্যদৰ্শী, CCTV কেমেৰাৰ যোগেদি এজনক আটক কৰিবলৈ সক্ষম হৈছে বুলি জনাইছে ।
বিস্ফোৰণত ১ জন নিহত আৰু ২৮ জন আহত হৈছিল। আহত কেইজনৰ ৩ জনৰ অবস্থা অতি সংকটজনক বুলি প্ৰকাশ কৰিছে । অধিক লোক সমবেত হোৱা অঞ্চলৈ লক্ষ্য কৰিয়ে সন্ত্ৰাসবাদীয়ে আক্ৰমণটো সংঘটিত কৰিছিল । জম্বুৰ বাছ আস্থানত বিগত বৰ্ষৰ মে মাহৰ পৰা এইটো তৃতীয়টো বিস্ফোৰণৰ ঘটনা সংঘটিত হৈছে । ২৮ জন আহতৰ ৩ জনৰ অবস্থা অতি সংকটজনক বুলি প্ৰকাশ কৰিছে GMC হস্পিতালৰ কতৃপক্ষয়ে । ২ জনৰ অপাৰেচন ইতিমধ্যে সম্পন্ন হৈছে । বিস্ফোৰণ সংঘটিত হোৱা BC পথ বৰ্তমান বন্ধ কৰি দিয়া হৈছে । বিস্ফোৰণটো বাছ আস্থানলৈ লক্ষ্য কৰি দলিওৱাৰ ফলত হৈছে বুলি আৰক্ষীয়ে প্ৰকাশ কৰিছে । অঞ্চলতোত হাই এলাৰ্ট জাৰি কৰিছে । ভয়াবহ গ্ৰেনেড বিস্ফোৰণ সংঘটিত কৰিছিল হিজবুল মুজাহিদিনে বুলি প্ৰকাশ কৰিছে|