নাগালেণ্ডত নাগৰিকত্ব সংশোধনী বিধেয়ক ২০১৬ প্ৰযোজ্য নহয় ৷ এই মন্তব্য নাগালেণ্ডৰ মুখ্যমন্ত্ৰী নেফিঅ’ ৰিঅ’ৰ । লগতে কয় যে অনুচ্চেদ ৩৭১ৰ অনুসৰি ইনাৰ লাইন পাৰমিটৰ গণ্ডীৰ ভিতৰত সম্প্ৰতি ৰাজ্যখন সুৰক্ষিত ৷ নাগৰিকত্ব সংশোধনী বিধেয়ক ২০১৬ৰ সন্দৰ্ভত নাগালেণ্ডৰ মুখ্যমন্ত্ৰী ৰিঅ’ই কয় যে,১৮ জানুৱাৰীত বিধেয়ক খনৰ সন্দৰ্ভত ৰাজ্য মন্ত্ৰী মণ্ডলত এক আলোচনা হয় ।ইয়াৰ পিছতে বিগত বৰ্ষৰ ৫ জুন আৰু চলিত বৰ্ষৰ ৭ জানুৱাৰীত বিধেয়ক খনৰ সন্দৰ্ভত লোৱা সিদ্ধান্তক পুনৰ দোহৰা হয় । কেন্দ্ৰত এই কথা স্পষ্ট হৈছিল যে নাগৰিকত্ব সংশোধনী বিধেয়ক ২০১৬ক নাগালেণ্ডত প্ৰযোজ্য কৰা ন’হব ৷ আমি অনুচ্চেদ ৩৭১ ৰ অন্তৰ্গত ইনাৰ পাৰমিট লাইনৰ অধীনত সুৰক্ষিত ৷
ইফালে নাগালেণ্ড বিধানসভাত অনুচ্চেদ ৩৭১ক পুনৰ বিবেচনা তথা ১৮৭৩ চনৰ Bengle Eastern Frintier Regulation ৰ অনুসৰি ইনাৰ লাইন পাৰমিতক অধিক শক্তিশালী কৰিবৰ কাৰণে পুনৰ বিবেচনা কৰিবৰ কাৰণে সিদ্ধান্ত গ্ৰহণ কৰিব ৷ মন্ত্ৰী পৰিষদে সম্পূৰ্ণৰূপে এই বিষয়ে পৰীক্ষা কৰাৰ কাৰণে নাগালেণ্ড পৰিষদৰ অধীনত ধাৰা ৩৭১ ৰ সম্পৰ্কত তথা স্থায়ী কমিটীত নাগৰিকত্ব সংশোধনী বিল উত্থাপন কৰাৰ সিদ্ধান্ত গ্ৰহণ কৰিছে ৷ লগতে আদিবাসী জনগণৰ অধিকাৰক সম্পূৰ্ণ সুৰক্ষিত কৰাৰ কাৰনে মন্ত্ৰী পৰিষদে ভাৰত চৰকাৰক উত্তৰ পূৰ্বাঞ্চলৰ সকলো ৰাজ্যৰ লগত এক আলোচনাত মিলিত হ’বলৈ আহ্বান কৰে ৷
উল্লেখ্য যে, লোকসভাত বিধেয়কখন উত্থাপন কৰি ৰাজনাথ সিঙে কয় যে এই বিধেয়কখন কেৱল মাত্ৰ অসমৰ কাৰণে নহয়। বিধেয়কখনৰ হিতাধিকাৰীসকলে ভাৰতবৰ্ষৰ যিকোনো ৰাজ্যতে বসবাস কৰিব পাৰিব ৷ভাৰত চৰকাৰে অসম চৰকাৰ আৰু জনসাধাৰণক সকলো প্ৰকাৰৰ সহযোগিতা কৰাৰ কাৰণে বদ্ধ পৰিকৰ বুলিও কয় ৰাজনাথ সিঙে ৷উল্লেখ্য যে নাগৰিকত্ব সংশোধনী বিধেয়কখনে ২০১৪ চনৰ ৩১ ডিচেম্বৰৰ আগত আফগানিস্তান, পাকিস্তান আৰু বাংলাদেশৰ পৰা অহা ছয়টা সংখ্যালঘু হিন্দু,শিখ জৈন,বৌদ্ধ,খ্ৰীষ্টান আৰু পাৰ্ছি ধৰ্মৰ লোকক ভাৰতীয় নাগৰিকত্ব প্ৰদান কৰিব ৷
অধিক খবৰৰ বাবে পঢ়ক : শীৰ্ষ বাতৰি