Top
Begin typing your search above and press return to search.

নিৰ্বাচন আয়োগলৈ এক বিশেষ আহ্বান মঙলদৈ মিডিয়া চাৰ্ক’লৰ

নিৰ্বাচন আয়োগলৈ এক বিশেষ আহ্বান মঙলদৈ মিডিয়া চাৰ্ক’লৰ

Sentinel Digital DeskBy : Sentinel Digital Desk

  |  9 March 2019 8:47 AM GMT

অনাগত সংসদীয় নিৰ্বাচনত সুস্থ পৰিবেশ বৰ্তাই ৰাখিবলৈ সমগ্ৰ অসমত ভাৰতীয় নিৰ্বাচন আয়োগে (Election Commission of India)সুৰাৰ ওপৰত প্ৰতিবন্দকতা আৰোপ কৰিব লাগে ৷ এই দাবী মংগলদৈৰ মিডিয়া চাৰ্ক'লৰ ৷দৰং জিলাত মিডিয়া কৰ্মীসকলৰ Mangaldai Media Circle অৰ্থাৎ MMC সংস্থাটোৱে ভাৰতীয় নিৰ্বাচন আয়োগক উদ্দেশ্য কৰি সুৰা নিষিদ্ধ কৰাৰ কাৰণে দাবী কৰে ৷ভাৰতৰ মুখ্য নিৰ্বাচন আয়ুক্তলৈ লিখিত এখন প্ৰতিবেদনৰ জৰিয়তে সচিব ময়ূখ গোস্বামী আৰু এমএমচিৰ উপদেষ্টা ভাৰ্গৱ কুমাৰ দাসে সুৰাৰ ক্ষেত্ৰত ড্ৰাই ডে ঘোষণা কৰিবলৈ কয় ৷যাতে সকলোৱে স্বাধীনতা আৰু নিৰপেক্ষ ভাৱে ভোটদান কৰিব পাৰে ৷

ইফালে কিছু সংখ্যক ৰাজনেতিক দলে প্ৰলোভনেৰে ভোট ক্ৰয় কৰাৰ সন্দৰ্ভত সংস্থাটোৱে কয় যে সম্প্ৰতি এই সমূহ বিষয় অত্যন্ত সাধাৰণ ঘটনালৈ পৰিণত হৈছে ৷ কিছু গাঁও অঞ্চলৰ লোকসকলক অবৈধ সুৰাৰ প্ৰলোভন দি মন পৰিৱৰ্তন কৰিবলৈ চেষ্টা কৰে ৷ আমি ভাৰতবাসীয়ে বিশ্বৰ সন্মুখত গণতান্ত্ৰিক দেশ হিচাপে চিনাকী দি গৰ্ব অনুভৱ কৰোঁ ৷ গতিকে এইয়াই হৈছে উচিত সময় , আমি নিৰ্বাচনৰ সময়ত এক সুস্থ বাতাৱৰণ গঢ়িব লাগে ৷

লগতে প্ৰত্যেকজন ভোটদাতাই সকলো প্ৰলোভন পৰিহাৰ কৰি, নিৰ্বাচনত ভোটদান কৰাৰ জৰিয়তে সাংবিধানিক অধিকাৰ সাব্যস্ত কৰিব লাগে৷ নিৰ্বাচন আয়োগলৈ এই আহ্বান মংগলদৈ মিডিয়া চৰ্কোলৰ ৷উল্লেখ্য যে বিগত সময়ত সুৰা খাই ১৫০ জনৰো অধিক লোকৰ মৃত্যু হোৱাৰ কথাও উল্লেখ কৰে মঙলদৈ মিডিয়া চাৰ্কোলে ৷

অধিক খবৰৰ বাবে পঢ়ক : ৰাজ্যিক বাতৰি

Next Story