নুমলীগড় বনৰীয়া হাতীৰ উপদ্ৰৱ

গোলাঘাট জিলাৰ নুমলীগড়ৰ মুৰফুলনীত বনৰীয়া হাতীৰ উপদ্ৰৱ অব্যাহত আছে । হাতীৰ বৃহত্‍ জাকে নষ্ট কৰিলে বহু খেতিপথাৰ । খাদ্যৰ সন্ধানত বনাঞ্চলৰ পৰা ওলাই অহা হাতীৰ জাক এটাই গাওঁ খনৰ ধাননি পথাৰত প্ৰৱেশ কৰি এফালৰ পৰা মহতিয়াই লণ্ড-ভণ্ড কৰে । হাতীৰ উপদ্ৰৱত বিনিদ্ৰ ৰজনী কটাবলগা হৈছে স্থানীয় ৰাইজে। অঞ্চলটোত দীৰ্ঘদিনৰ পৰা অব্যাহত আছে বনৰীয়া হাতীৰ উপদ্ৰৱ। ৰাইজে বহুবাৰ জনোৱাৰ পাছতো বন বিভাগে কোনো ব্যৱস্থা গ্ৰহণ কৰা নাই বুলি জানিবলৈ দিছে।