পিংক ছবিৰ পিছত বলীউডত বদলা ছবিৰ জৰিয়তে আকৌ চলচ্চিত্ৰ প্ৰেমীক আমোদ দিছে তাপ্সী পান্নু আৰু অমিতাভ বচ্চনে ৷ বদলা ছবিখন এখন থ্ৰিলাৰ ছবি ৷ ছবিখনত তাপ্সী পান্নুয়ে এক হত্যাকাণ্ডত অভিযুক্ত এগৰাকী ব্যৱসায়ী মহিলাৰ চৰিত্ৰত অভিনয় কৰিছে ৷ নাম নেনা চেঠী ৷ ইফালে বলীউডৰ বিগ বি অমিতাভ বচ্চনে বাদল গুপ্তা নামেৰে এজন অধিবক্তাৰ চৰিত্ৰত অভিনয় কৰিছে ৷ বদলা ছবি খনৰ কাহিনী উৎসুকতাৰে পৰিপূৰ্ণ ৷
ছবিখনৰ প্ৰথমতেই নেনা চেঠীক বহুত চিন্তিত দেখা যায় ৷কাৰণ যিখন হোটেলৰ কোঠাত নেনা চেঠীয়ে প্ৰেমিকক লগ কৰিবলৈ গৈছিল,সেই খন হোটেলতে প্ৰেমিক অৰ্জুন মেহতাৰ হত্যা হয়৷ আৰু সেই হত্যাকাণ্ডটোৰ অভিযোগত অভিযুক্ত হয় নেনা চেঠী অৰ্থাৎ তাপ্সী পান্নু ৷কাৰণ সেই সময়ত সেই কোঠাটোত নেনাৰ বাহিৰে কোনো দ্বিতীয় জন ব্যক্তি নাছিল ৷ পিছত নেনাৰ মন্তব্য যে এই হত্যিকাণ্ডটোৰ লগত তেওঁ জড়িত নহয় কাৰণ নেনা আৰু অৰ্জুনক কোনোবাই ব্লেকমেইল কৰি আছিল ৷ আৰু নেনাই অৰ্জুনক লগ কৰিবলৈ আহিছিল ৷
দৰাচলতে ছবি খনত নেনা এগৰাকী বিবাহিত মহিলা ৷ ইয়াৰোপৰি নেনা এটি সন্তানৰ মাতৃও । লগতে ছবি খনত নেনা গুপ্তাৰ অবৈধ সম্পৰ্কটোও দেখুওৱা হৈছে ৷ গতিকে নেনা আৰু অৰ্জুনক ব্লেকমেইল কৰি থকাৰ কথা কয় অধিবক্তা বাদল গুপ্তা অৰ্থাৎ অমিতাভ বচ্চনক ৷ নেনাক অধিবক্তা গুপ্তাই সকলো সৰু সৰু কথা সোধে৷কিন্তু নেনাই ক’বলৈ অপৰাগ ৷কাৰণ বিশ্বাস কৰিব নোখোজে অধিবক্তা গুপ্তা ৷ প্ৰশ্ন হয় সচাঁকৈয়ে এই হত্যা কাণ্ডটো নেনাই সংঘটিত কৰিলে নেকি? এই উত্তৰ আপোনালোকে পাব৷ কিন্তু ছবি খন ছোৱাৰ পিছত ৷
সুজয় ঘোষে ছবিখনত প্ৰথমৰ পৰা শেষলৈকে উৎসুকতা বৰ্তাই ৰাখিবলৈ সক্ষম হৈছে ৷ সুজয় ঘোষৰ ছবি সমূহ প্ৰধান চৰিত্ৰসমূহৰ ভৰষাতেই থাকে ৷ ব্যতিক্ৰম নহয় এই ছবিখনো ৷বিগ বি অমিতাভ বচ্চন আৰু তাপ্সী পান্নুৰ মাজত এটা কোঠাত এনেধৰণৰ কিছুমান দৃশ্য উপস্থাপন কৰা হৈছে য’ত বিভিন্ন অনুভৱ,আবেগ প্ৰকাশ পাইছে ৷ দুয়োজনৰ মাজত নিৰৱতাও বহুত কথা কয় ৷লগতে সংলাপ সমূহো যথেষ্ট শক্তিশালী ৷অন্যহাতে ছবিখনৰ সমালোচকসকলে কোৱা অনুসৰি অমিতাভ বচ্চনৰ শক্তিশালী অভিনয়ে উল্লেখযোগ্য ভূমিকা গ্ৰহণ কৰিছে ৷
অমিতাভ বচ্চনে লাহে লাহে নেনা গুপ্তাৰ ভৰষা,বিশ্বাস পাবলৈ আৰম্ভ কৰি বহুত কথা নেনাৰ পৰা সংগ্ৰহ কৰে ৷ কিন্তু নেনা গুপ্তাই অৰ্থা তাপ্সী পান্নুৱে চৰিত্ৰটোৱে বিচৰা ধৰণে অভিনয় কৰাত বিফল হয় ৷ ইফালে দীঘলীয়া বিৰতিৰ পিছত অভিনেত্ৰী অমৃতা সিং উভতি আহিছে ছবি জগতলৈ ৷ অমৃতা সিং পুত্ৰ হেৰুৱাৰ এগৰাকী মাতৃৰ চৰিত্ৰত অভিনয় কৰিছে ৷ সুজয় ঘোষে বদলা ছবি খনৰ শেষলৈকে উৎসুকতা বৰ্তাই ৰখাত সফল হৈছে ৷ লগতে বিগ বি অমিতাভ বচ্চনৰ অভিনয়ে চলচ্চিত্ৰ প্ৰেমীক সুখী কৰাৰ উপৰিও সফল হৈছে কলা কুশলী সকল ৷
অধিক খবৰৰ বাবে পঢ়ক : মনোৰঞ্জন