মহাবাহু ব্ৰহ্মপুত্ৰৰ ওপৰত নিৰ্মাণ কৰা বগীবিল দলংখন আপোনালোকলৈ আগবঢ়ালোঃ প্ৰধানমন্ত্ৰী নৰেন্দ্ৰ মোডী

বৰদিন আৰু প্ৰয়াত প্ৰাক্তন প্ৰধানমন্ত্ৰী অটল বিহাৰী বাজপেয়ীৰ জন্ম দিনৰ শুভক্ষণত দেশ তথা অসমবাসীৰ কাৰণে মুকলি হ’ল বগীবিল দলং ৷ বগীবিল দলঙৰ শুভক্ষণত দেশ বাসীক সম্বোধন কৰি কাৰেং চাপৰিত ভাষণ প্ৰদান কৰিলে প্ৰধানমন্ত্ৰী নৰেন্দ্ৰ মোডীয়ে ৷ ভাষণ প্ৰসংগত প্ৰধানমন্ত্ৰী মোডীয়ে দেশবাসীৰ লগতে উপস্থিত ৰাইজক ধন্যবাদ জ্ঞাপন জনায়। লগতে চাওলুং চুকাফা, লাচিত বৰফুকন, চিলাৰায়, সতী সাধনীকে ধৰি ৰাজ্যৰ বীৰ বীৰাংগনাক সুঁৱৰে ৷ ইফালে আগন্তক ভোগালী বিহুৰ ওলগ জনাইকয় যে ,মহাবাহু ব্ৰহ্মপুত্ৰৰ ওপৰত নিৰ্মিত বগীবিল দলংকখ আগবঢ়ালো আপোনালোকলৈ ৷এখন দেশৰ সুশাসন সন্দৰ্ভত মন্তব্য কৰি প্ৰধানমন্ত্ৰীয়ে কয় যে, সুশাসনৰ অৰ্থ হৈছে সমাজত প্ৰত্যেকজন লোকৰ উন্নত ভৱিষ্যতৰ কাৰণে চিন্তা কৰা শাসন ৷

লগতে প্ৰমানমন্ত্ৰী মোডীয়ে কয় যে,দেশত যেতিয়া সন্তুলিত অৰ্থনৈতিক উন্নতিৰ দিশত আগবাঢ়ে তেতিয়াই সুশাসন প্ৰতিষ্ঠা হয়। লগতে বগীবিল দলংখন হৈছে সম্পূৰ্ণ তীখাৰে নিৰ্মিত ৰেল ৷ এই সন্দৰ্ভত কয় মোডীয়ে কয় যে,এইখনেই দেশৰ একমাত্ৰ দলং,যি সম্পূৰ্ণ তীখাৰে নিৰ্মাণ কৰা হৈছে ৷ বগী বিল দলং খনত একেলগে ৰেল, বাছ সমগতিৰে চলিব পৰা দলং ৷এই দলং খনে সামৰিক দিশতো শক্তিশালী কৰি তুলিব ৷ উল্লেখ্য যে ,সম্প্ৰতি বগীবিল দলং খনে জনসাধাৰণত যাতায়তৰ ক্ষেত্ৰত অধিক সুবিধা হ’ব ৷এই সন্দৰ্ভত প্ৰমানমন্ত্ৰী নৰেন্দ্ৰ মোডীয়ে কয় যে ,বগী বিল দলং হৈছে অৰুণাচল আৰু অসমৰ জীৱন ৰেখা তথা দুয়োখন ৰাজ্যৰ মাজত দুৰত্বও হ্ৰাস কৰিব দলং খনে ৷

পূৰ্বতে এই ভ্ৰমণত ২৪ ঘন্টা লাগিছিল যদিও সম্প্ৰতি এই ভ্ৰমণত লাগিব ৫ ঘন্টা ৷ লগতে মোডীয়ে কয় যে,তিনিচুকীয়া আৰু নাহৰলগুনেৰে চলা ৰেলে দুৰত্বই নহয় মানুহৰ বিভিন্ন অসুবিধাও হ্ৰাস কৰিব।পূৰ্বতে দিল্লী,মুম্বাই,কলকাতা যাবৰ কাৰণে জনসাধাৰণ গুৱাহাটীলৈ যাব লাগে ৷ কিন্তু সম্প্ৰতি তাৰ প্ৰয়োজন নাই ৷ ডিব্ৰুগড় এতিয়া সমগ্ৰ দেশৰ কাৰণে উল্লেখ্য যোগ্য চহৰ। অন্যহাতে,দলং খন নিৰ্মাণ কৰা প্ৰত্যেক জন অভিযন্ত্ৰা,কৰ্মচাৰীক ধন্যবাদ জ্ঞাপন কৰে প্ৰধানমন্ত্ৰী মোডীয়ে ৷ লগতে কয় মোডীয়ে বিগত ৩-৪ বছৰত আৰু তিনিখন দলং ব্ৰহ্মপুত্ৰৰ ওপৰত নিৰ্মাণ কৰা প্ৰসংগটো সুশাসনৰ লক্ষণ হৈছে ।

বগীবিল দলং উদ্বোধনী অনুষ্ঠানত নৰেন্দ্ৰ মোডীয়ে প্ৰয়াত ড° ভূপেন হাজৰিকা,প্ৰয়াত দিপালী বৰঠাকুৰক স্মৰণ কৰাৰ লগতে অটল বিহাৰী বাজপেয়ীক সুঁৱৰি কয় যে,আমি আধাতকৈ বেছি কাম কৰিছোঁ ৷অটল বিহাৰী বাজপেয়ী দ্বিতীয় বাৰৰ বাবে শাসনলৈ আহিলে ২০০৭ চনতে এই দলং নিৰ্মাণ হ’ল হেতেন ৷ লগতে কয় যে ১২ লাখ কোটিৰ এনে বহু প্ৰকল্প আৰম্ভ কৰিছোঁ ৷ এনেধৰণে কাম চলি থাকিলে আগন্তুক দিনত অসম আৰু উন্নতিৰ দিশত আগবাঢ়িব ৷ কাৰণ যদি অসম মজবুত হয় তেন্তে সমগ্ৰ ভাৰতেই মজবুত হ’ব ৷ ইফালে, ২৪ লাখ নতুন গেছৰ কানেকশ্যন অসমত হোৱাৰ কথাও কয় প্ৰমানমন্ত্ৰী মোডীয়ে৷পূৰ্বতে ৪০শতাংশ লোকৰ ঘৰত গেছ আছিল যদিও সম্প্ৰতি ৮০ শতাংশ পৰিয়ালৰ ঘৰত গেছ আছে ৷

উল্লেখ্য যে ,প্ৰধানমন্ত্ৰী মোডীয়ে দৌৰ ৰাণী হিমা দাসৰ প্ৰসংগটো মন্তব্য কৰিলে৷ হিমা দাসক এতিয়া সমগ্ৰ বিশ্বই সফলতাৰ প্ৰতীক হিচাপে চিহ্নিত হৈছে ৷ লগতে নিউ ইণ্ডিয়া,এক্ট ইষ্ট পলিচিৰ কামৰ কথাও উল্লেখ কৰে প্ৰধানমন্ত্ৰী নৰেন্দ্ৰ মোডীয়ে ৷

অধিক খবৰৰ বাবে পঢ়ক: শীৰ্ষ বাতৰি