যোৰহাটত নিৰ্মান হব উৰনীয়া সেতুঁ

দুৰ্গা পূজাৰ প্ৰাকক্ষনত যোৰহাটবাসী ৰাইজৰ বাবে এটা সুখবৰ। ৰাইজৰ দীৰ্ঘদীনিয়া সপোন বাস্তবায়িত কৰাৰ লক্ষ্যৰে কাইলৈ যোৰহাটৰ ন-আলি ৰেলগেটত ৰাজ্যৰ মুখ্যমন্ত্ৰী সৰ্বানন্দ সোণোৱালে উৰনীয়া সেতুৰ আধাৰশিলা স্থাপন কৰিব। যোৰহাটৰ ৰাইজৰ আহ্বানৰ প্ৰতি সঁহাৰি জনাই কেন্দ্ৰ আৰু ৰাজ্য চৰকাৰে " উত্তৰ পূৱ বিশেষ আন্তঃগাঁথনি উন্নয়ন আঁচনি"ৰ অধীনত এখন অতি অত্যাধুনিক উৰনীয়া সেতু নিৰ্মান কৰাৰ সিদ্ধান্ত গ্ৰহণ কৰিছে। এই উৰনীয়া সেতুৰ নিৰ্মানৰ ফলত যোৰহাটৰ যান-যঁটৰ দীৰ্ঘদীনিয়া সমস্যা সমাধান হব বুলি স্থানীয় ৰাইজে জানিবলৈ দিছে।