মংগলবাৰে কেন্দ্ৰীয় চৰকাৰে নিযুক্তি দিলে দেশক নতুন মুখ্য নিৰ্বাচনী আয়ুক্ত সুনীল আৰোৰাক। দেশৰ পৰৱৰ্তী নৱ নিযুক্ত মুখ্য নিৰ্বাচনী আয়ুক্ত সুনীল আৰোৰাক নিযুক্তি দিয়ে ৰাষ্ট্ৰপতি ৰামনাথ কোৱিন্দে ৷এক অধিসূচনাৰ জৰিয়তে এই কথা প্ৰকাশ কৰে বিধি মন্ত্ৰ্যালয়ে ৷ ইফালে সুনীল আৰোৰাই চলিত বৰ্ষৰ ডিচেম্বৰৰ পৰা নৱ নিযুক্ত মুখ্য নিৰ্বাচন আয়ুক্ত হিচাপে কাৰ্যভাৰ গ্ৰহণ কৰিব ৷
অন্যহাতে নিৰ্বাচনী আয়ুক্ত ওম প্ৰকাশ ৰাৱটে কাৰ্যভাৰৰ পৰা অব্যাহতি ল’ব ১ ডিচেম্বৰত ৷ নিৰ্বাচন আয়োগৰ প্ৰবক্তাৰ ভাষ্য অনুসৰি সুনীল আৰোৰাই ২ ডিচেম্বৰৰ পৰা কাৰ্যভাৰ গ্ৰহণ কৰিব। উল্লেখ্য যে,সুনীল আৰোৰা ১৯৪০ চনত ভাৰতীয় প্ৰশাসনিক সেৱাৰ ৰাজস্থান কেডাৰৰ এজন বিষয়া আছিল ৷ লগতে দেশৰ নৱ নিযুক্ত নিৰ্বাচনী আয়ুক্ত সুনীল আৰোৰা কেন্দ্ৰীয় চৰকাৰৰ জনসংযোগ বিভাগৰ সচিব ৰূপেও কৰ্মৰত আছিল ।
ইয়াৰোপৰি বিত্ত আৰু বস্ত্ৰৰ লগতে বিভিন্ন যোজনা আয়োগৰ বিভিন্ন পদত সেৱা আগবঢ়াইছিল দেশৰ নৱ নিযুক্ত নিৰ্বাচনী আয়ুক্ত সুনীল আৰোৰাই ৷ উল্লেখযোগ্য যে,১৯৯৩ চনৰ পৰা ১৯৯৮ চনলৈ সুনীল আৰোৰা ৰাজস্থান মুখ্যমন্ত্ৰীৰ সচিবৰ লগতে ২০০৫ চনৰ পৰা ২০০৮ চনলৈ মুখ্যমন্ত্ৰীৰ প্ৰধান সচিব হিচাপে নিযুক্ত আছিল দেশৰ নৱ নিযুক্ত নিৰ্বাচনী আয়ুক্ত সুনীল আৰোৰা ৷
অন্য খবৰৰ বাবে পঢ়ক: শীৰ্ষ বাতৰি