হিন্দুস্তান পেপাৰ কৰ্প’ৰেশ্যনৰ পুনৰোজ্জীৱিত কৰাৰ ক্ষেত্ৰত সিদ্ধান্ত নলয় চৰকাৰে
এইচপিচি পেপাৰ মিল অৰ্থাৎ হিন্দুস্তান পেপাৰ কৰ্প’ৰেশ্যন মিলক পুনৰোজ্জীৱিত কৰাৰ ক্ষেত্ৰত চৰকাৰে কোনো সিদ্ধান্ত গ্ৰহণ নকৰে ৷ সম্প্ৰতি দুয়োটা পেপাৰ মিলৰ লগত সম্বন্ধিত বহু প্ৰশ্নৰ উত্তৰ অস্পষ্ট হৈ পৰিছে। দুয়োটা পেপাৰ মিলৰ লগত জড়িত প্ৰায় ১,১৯০ গৰাকী কৰ্মচাৰীৰ ভৱিষ্যত কি হ’ব ? তেওঁলোকে বেতন লাভ কৰিবনে? তেওঁলোকে সম্প্ৰতি কাৰ লগত সম্পৰ্ক কৰিব?
সম্প্ৰতি দুয়োটা পেপাৰ মিলৰ কৰ্মচাৰী সকলৰ অনিশ্চয়তা ক্ৰমে বৃদ্ধি পাইছে ৷এক বিশেষ সূত্ৰ মতে দিছপুৰত শাসনলৈ অহা পূৰ্বতে বিজেপি চৰকাৰে দুয়োটা পেপাৰ মিলৰ পুনৰোদ্ধাৰৰ কাৰণে যাৱতীয় কাম কৰিছিল ৷ কেন্দ্ৰৰ ১,৯৫০ কোটি টকাৰ পেকজৰ লগতে মুখ্যমন্ত্ৰী সৰ্বানন্দ সোনোৱালে এই সন্দৰ্ভত প্ৰধানমন্ত্ৰীৰ কাৰ্যালয় পিএমঅ’ৰ লগত যোগাযোগ কৰিছিল ৷ অৱশ্যে বিগত এবছৰে এই সন্দৰ্ভত কেন্দ্ৰৰ পৰা কোনো প্ৰতিক্ৰিয়া লাভ কৰা নাই । সম্ভৱত কেন্দ্ৰীয় চৰকাৰৰ মনোভাৱ যে, দুয়োটা পেপাৰ মিলৰ কাৰণে বৃহৎ পৰিমাণৰ ধন ব্যয় কৰাটো নিৰৰ্থক।
অন্যহাতে ব্যক্তিগত ভাৱে যদি কোনো পক্ষই পেপাৰ মিলক অধিগ্ৰহণ কৰে ৷তেন্তে পেপাৰ মিলৰ কৰ্মচাৰীসকলৰ নিয়োগৰ সুৰক্ষা ল’বনে ? উল্লেখযোগ্য যে দিছপুৰৰ হেছাঁত কেন্দ্ৰই পেপাৰ মিলৰ কৰ্মচাৰীসকলৰ কাৰণে ৯০ কোটি ঘোষনা কৰিছে যদিও কৰ্মচাৰীসকলক এতিয়ালৈকে ধন লাভ কৰা নাই ৷ এইচপিচিৰ পেপাৰ মিলৰ ৰিভাইভেল কমিটীৰ মুখ্য সংযোজক মানবেন্দ্ৰ চক্ৰৱৰ্তীয়ে কয় যে প্ৰথমতে চৰকাৰে দুয়োটা পেপাৰ মিলক পুনৰোজ্জীৱিত কৰাৰ আশ্বাস দিয়ে ৷ৰাজ্যৰ উদ্দ্যোগ মন্ত্ৰী চন্দ্ৰ মোহন পাটোৱাৰীয়েও দুয়োটা পেপাৰ মিলৰ কাৰণে পেকেজ দিয়াৰ কথা উল্লেখ কৰিছিল ৷ কিন্তু বাস্তৱত সেয়া সম্পূৰ্ণ হৈ নুঠিল ৷ গতিকে এই পেপাৰ মিলৰ কৰ্মচাৰী সকলৰ ভৱিষ্যতক লৈ চৰকাৰে কি সিদ্ধান্ত লয় সেয়া লক্ষ্যনীয় হ’ব ।
অন্য খবৰৰ বাবে পঢ়ক : শীৰ্ষ বাতৰি
