প্ৰধানমন্ত্ৰী নৰেন্দ্ৰ মোডীয়ে (Narendra Modi) দেওবাৰে আগন্তক নিৰ্বাচনত জয়ী হোৱাৰ আশ্বাস ৰাখি মন্তব্য কৰে যে চকীদাৰ ইউনিফৰ্ম পৰিহিত পৰিচয় নহয় ৷ চকীদাৰ শব্দটোৰ আঁৰত আছে এটি আত্মা ৷ চকীদাৰ হৈছে এটা আৱেগ,ভাৱনা ৷ দেশৰ অধিকাংশ প্ৰান্ততে সম্প্ৰতি গুঞ্জৰিত হৈছে "ম্যে ভী চকীদাৰ" শ্ল’গান ৷ তেনে সময়তে তালকোটৰা ষ্টেডিয়ামৰ পৰা ভিডিঅ’ কনফাৰেন্সৰ যোগেদি দেশৰ লোকসকলৰ লগত মতবিনিময়ত অংশ লয় নৰেন্দ্ৰ মোডীয়ে ৷
ভিডিঅ’ কনফাৰেন্সৰ যোগেদি নৰেন্দ্ৰ মোডীয়ে কয় যে, ২০১৪ চনত যেতিয়া বিজেপিয়ে দেশৰ প্ৰত্যেক প্ৰান্তৰ দায়িত্ব লৈছিল,তেতিয়া প্ৰধানমন্ত্ৰী মোডীয়ে লোকসকলক কৈছিল যে,দিল্লীৰ দায়িত্ব মানেই আপুনি এজন চকীদাৰৰ ওপৰত ভৰষা কৰিব পাৰে ৷ আকৌ এবাৰ দেশৰ জনসাধাৰণে আমাক দেশক সেৱা কৰিবলৈ সুযোগ দিছে ৷ "ম্যে ভী চকীদাৰ" শীৰ্ষক অনুষ্ঠানত এই মন্তব্য প্ৰধানমন্ত্ৰী নৰেন্দ্ৰ মোডীৰ ৷ ইফালে,দেশৰ জনসাধাৰণক ৰজাৰ প্ৰয়োজন নাই বুলিও কয় প্ৰধানমন্ত্ৰী নৰেন্দ্ৰ মোডীয়ে ৷
লগতে কয় যে সম্প্ৰতি জনসাধাৰণে চকীদাৰক আকোঁৱালি লৈছে ৷শিক্ষক সকলৰ প্ৰসংগত মোডীয়ে কয় যে শিক্ষকসকল হৈছে দেশৰ বৃহৎ চকীদাৰ ৷ শিক্ষকসকলে আমাৰ নতুন প্ৰজন্মক সুৰক্ষা তথা শিক্ষা দিয়ে ৷ গতিকে মই শিক্ষকসকলক প্ৰণাম জনাইছো ৷ যদি শিক্ষকসকলে নিজৰ কৰ্তব্য পালন কৰে ৷ তেন্তে ছাত্ৰ ছাত্ৰীসকলৰ ভৱিষ্যত উজ্জ্বল হয় ৷ যদি আৰক্ষীয়ে নিজৰ দায়িত্ব পালন কৰে,তেন্তে সমস্যাসমূহৰ সমাধান হয় ৷ আৰু এনেকৈয়ে সকলোৰে সহযোগত দেশখন প্ৰগতিৰ পথত আগবাঢ়িব বুলিও কয় প্ৰধানমন্ত্ৰী মোডীয়ে ৷
মোডীয়ে কয় যে মই কৈছিলো যে মোৰ প্ৰয়াসে জনতাৰ অৰ্থ কেতিয়াও অপচয় নকৰে ৷ গতিকে, এজন চকীদাৰৰ ৰূপত দেশৰ সকলো কাৰ্য্য সমাধান কৰিব বুলি কয় মোডীয়ে ৷যেতিয়াৰ পৰা দেশৰ নেতৃত্ব প্ৰধানমন্ত্ৰী মোডীয়ে বহন কৰিছে,তেতিয়াৰ পৰা দেশৰ সকলো ধন দুৰ্নীতিকাৰী সকলৰ হাতৰ পৰা ৰক্ষা কৰিবলৈ চেষ্টা কৰাৰ কথাও উল্লেখ কৰে মোডীয়ে। আমি সকলো চকীদাৰ ৷
গতিকে দেশখনত শক্তিশালী আৰু সমৃদ্ধিশালী ভাৰত গঢ়ি তুলিবলৈ আমি দৃঢ় প্ৰতিজ্ঞ। জনসাধাৰণৰ শক্তিশালী চৰকাৰ আৰু দেশ খনক আগবঢ়াই লৈ যাবলৈ চকীদাৰ হৈয়ে কাম কৰিব লাগিব ৷ অন্যহাতে প্ৰধানমন্ত্ৰী নৰেন্দ্ৰ মোডীয়ে ভিডিঅ’ কনফাৰেন্সখন জৰিয়তে সমৰ্থকসকলৰ বিভিন্ন প্ৰশ্নৰ উত্তৰ দিয়ে ৷
অধিক খবৰৰ বাবে পঢ়ক : শীৰ্ষ বাতৰি
