তাজমহলৰ পৰা অক্ষৰধাম মন্দিৰলৈঃ দেশৰ সাতখন অতি আকৰ্ষণীয় পৰ্যটনস্থলী
২ ফেব্ৰুৱাৰী,২০২২
দেশৰ এই পৰ্যটনস্থলীসমূহ অতি সুন্দৰ ৷ দেশ-বিদেশৰ পৰ্যটকক হাতবাউল দি মাতে এই পৰ্যটনস্থলসমূহে ৷ বিহংগম দৃষ্টিত এই সাতখন পৰ্যটনস্থলীঃ
১) নাহৰগড় দুৰ্গঃ
ৰাজস্থানক ভাৰতৰ ৰাজকীয় ৰাজ্যৰূপে জনা যায় ৷ এই ৰাজস্থানৰ আৰাৱলী পাহাৰ অঞ্চলত অৱস্থিত নাহৰগড় দুৰ্গ ৷ অতি আকৰ্ষণীয় এই পৰ্যটনস্থলী প্ৰতিদিনে পুৱা ১০ বজাৰ পৰা সন্ধিয়া ৫-৩০বজালৈ পৰ্যটকৰ দৰ্শনৰ বাবে খোলা থাকে ৷
২) তাজমহলঃ
তাজমহলৰ প্ৰেমত নপৰা লোক নাই বুলি ক’ব পাৰি ৷ এই ৰাজকীয় কাৰুকাৰ্যই দেশ-বিদেশৰ লোকক হাতবাউল দি মাতে ৷ সেয়ে অগনন লোকে তাজমহলৰ সৌন্দৰ্য উপভোগ কৰিবলৈ ভিৰ কৰে ৷ পূৰ্ণ চন্দ্ৰৰ নিশা তাজমহলৰ সৌন্দৰ্য দুগুণে বৃদ্ধি পায়। পৰ্যটকৰ বাবে শুকুৰবাৰক বাদ দি সপ্তাহৰ প্ৰতিটো দিনতে সূৰ্য উদয় হোৱাৰ পূৰ্বে তাজমহলৰ দ্বাৰ মুকলি হয় ৷
৩) ইণ্ডিয়া গে’টঃ
ইণ্ডিয়া গে’ট দিল্লীৰ মাজমজিয়াত অৱস্থিত ৷ সন্ধিয়াৰ দিল্লীবাসীৰ বহুজনে আৰু দেশ-বিদেশৰ পৰ্যটকে ইণ্ডিয়া গে’টৰ সৌন্দৰ্য উপভোগ কৰিবলৈ ভিৰ কৰে ৷ বহুতে ইয়াৰ সৌন্দৰ্য উপভোগ কৰি পথৰ খাদ্য গ্ৰহণ কৰে ৷ সপ্তাহটোৰ প্ৰতিটো দিনেই ইণ্ডিয়া গে’ট পৰ্যটকৰ বাবে মুকলি থাকে ৷
৪) অক্ষৰধাম মন্দিৰঃ
অক্ষৰধাম মন্দিৰৰ সৌন্দৰ্য চালে চকুৰোৱা ৷ সুন্দৰ নৈসৰ্গিক পৰিৱেশত এই মন্দিৰ অৱস্থিত ৷ সেয়ে দেশ-বিদেশৰ অগনন পৰ্যটকে এই মন্দিৰৰ সৌন্দৰ্য উপভোগ কৰিবলৈ ভিৰ কৰে ৷ দৰ্শনৰ সময়ঃ সোমবাৰক বাদ দি এই মন্দিৰ প্ৰতিদিনে পুৱা ৯-৩০ বজাৰ পৰা নিশা ৮ বজালৈ মুকলি থাকে ৷
৫) গে’ট ৱে অৱ ইণ্ডিয়াঃ
গে’ট ৱে অৱ ইণ্ডিয়াক মুম্বাইৰ তাজমহল বুলিও জনা যায় ৷ এই পৰ্যটনস্থলীয়ে ভাৰতত ঔপনিৱেশিক শাসনৰ এটা আভাসো দিয়ে ৷ সমুদ্ৰৰ নীলা পানীত বিচৰণ কৰি গে’ট ৱে অৱ ইণ্ডিয়াৰ সৌন্দৰ্য উপভোগ কৰিব পাৰি ৷ দৰ্শনৰ সময়ঃ দিনৰ ১২ বজাৰ পৰা নিশা ১২ বজালৈ ৷
৬) ঔৰভাইল (পণ্ডিচেৰী)
ঔৰভাইল শব্দটোৰ অৰ্থ হৈছে ফেঁহুজালিৰ মহানগৰ ৷ ইয়াৰ সৌন্দৰ্য অগতানুগতিক তথা অপূৰ্ব ৷ ইয়াৰ মাতৃ মন্দিৰৰ সৌধ হৈছে সাম্প্ৰদায়িক সম্প্ৰীতিৰ আকৰ ৷ দৰ্শনৰ সময়ঃ পুৱা ৯ বজাৰ পৰা সন্ধিয়া ৫-৩০বজালৈ।
৭) হাওৰা দলংঃ
হাওৰা দলঙে দ্বিতীয় বিশ্বযুদ্ধৰ সময়ক সোঁৱৰাই দিব পাৰে ৷ হাওৰাৰ দলঙৰ আন এটা নাম হৈছে গে’ট ৱে অৱ কলকাতা ৷ হাওৰা দলঙক কলকাতাৰ মুখ বুলিও জনা যায় ৷ পৰ্যটনস্থলী দৰ্শনৰ ক্ষেত্ৰত সতৰ্কতাঃ ক’ৱিড-১৯ তথা “ অ’মিক্ৰণ"ৰ প্ৰাদুৰ্ভাৱৰ বাবে পৰ্যটনস্থলী দৰ্শনৰ ক্ষেত্ৰত সতৰ্কতা মানি চলিব ৷ ক’ৱিড প্ৰতিৰোধৰ সকলো নীতি-নিয়ম আখৰে আখৰে মানি চলিব ৷