ক'ৰ'নাত আক্ৰান্ত হ'ল গুৱাহাটীত কৰ্মৰত ষ্টেট বেংকৰ ১৫কৰ্মচাৰী

ক’ৰ’নাত আক্ৰান্ত হ’ল গুৱাহাটীত কৰ্মৰত ষ্টেট বেংকৰ ১৫কৰ্মচাৰী ।
ক'ৰ'নাত আক্ৰান্ত হ'ল গুৱাহাটীত কৰ্মৰত ষ্টেট বেংকৰ ১৫কৰ্মচাৰী

সম্পূৰ্ণ তলাবন্ধৰ সময়ছোৱাতো নিজৰ জীৱনলৈ কুণ্ঠাবোধ নকৰি গ্ৰাহকক সেৱা আগবঢ়াই অহা ভাৰতীয় ষ্টেট বেংকৰ ১৫জনকৈ কৰ্মচাৰী ক'ৰ'না ভাইৰাছ সৃষ্ট মহামাৰীত আক্ৰান্ত হৈছে ৷ আটাইকেইজন কৰ্মচাৰী গুৱাহাটীত কৰ্মৰত ৷ প্ৰাপ্ত তথ্য অনুসৰি কৰ্মচাৰীকেইজন এছ বি আইৰ লখৰা আৰু ফাঁচীবজাৰ শাখাত কৰ্মৰত ৷ এই কৰ্মচাৰীকেইজন ক'ৰ'নাত আক্ৰান্ত হোৱাটো নিশ্চিত হোৱাৰ পাছত তেওঁলোকৰ সহকৰ্মীসকলকো চিকিৎসকৰ নিৰীক্ষণলৈ অনা হৈছে ৷ ইতিমধ্যে নিয়মানুসৰি এইসকল বেংক কৰ্মচাৰীকো কোৱাৰেণ্টিন কৰা হৈছে ৷

ইপিনে, ৰাজ্যত আজি ক'ৰ'না আক্ৰান্তৰ সংখ্যা ছহেজাৰৰো অধিকলৈ বৃদ্ধি পায় ৷ অৱশ্যে ইয়াৰে ৩, ৭৬২জন ৰোগী সুস্থ হৈ চিকিৎসালয়ৰ পৰা বিদায় লৈছে ৷ আনহাতে, বৰ্তমানেও ২, ২৮২জন ৰোগীৰ শৰীৰত ক'ৰ'না ভাইৰাছ সক্ৰিয় হৈ আছে ৷

Related Stories

No stories found.
logo
Sentinel Assam - Assamese
assamese.sentinelassam.com