ৰহস্যজনক পৰিৱেশত শুকুৰবাৰে বৰপেটাৰোডত ৰাজপথৰ দাঁতিত উদ্ধাৰ হ'ল এজন অৱসৰপ্ৰাপ্ত ৰেল কৰ্মচাৰীৰ মৃতদেহ ৷ আৰক্ষীয়ে জনোৱা মতে, স্থানীয় একাংশ লোকে আজি ৩১নম্বৰ ঘাইপথৰ দাঁতিত এজন লোকক মৃত অৱস্থাত প্ৰত্যক্ষ কৰি ঘটনাৰ বিষয়ে আৰক্ষীক অৱগত কৰে ৷ সেই অনুসৰি আৰক্ষীয়ে দণ্ডাধীশসহ ঘটনাস্থলীত উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ৷ পাছত মৃত ব্যক্তিজনক বৰপেটাৰোডৰ নাথপাৰাৰ নৰেন চন্দ্ৰ কলিতা বুলি চিনাক্ত কৰা হৈছে ৷ তেওঁ বৰপেটাৰোড ৰেলৱে ষ্টেচনৰ পৰা অৱসৰ গ্ৰহণ কৰিছিল।মৃতদেহটো উদ্ধাৰৰ সময়ত স্থানীয় বহু লোকে ভিৰ কৰে ৷
আৰু পঢ়িব পাৰেঃ অসমত আৰু এজন ক'ৰ'না আক্ৰান্তৰ মৃত্যু, মুঠ মৃতৰ সংখ্যা ৯লৈ বৃদ্ধি
