ক'ৰ'না ভাইৰাছৰ সংক্ৰমণ বা এই মহামাৰীত মৃতকৰ সংখ্যা তথ্য চীনে গাপ দিলে বিশ্বৰ বিভিন্ন প্ৰান্তত উত্থাপিত অভিযোগে সম্প্ৰতি নতুন মোৰ ল'লে ৷ চীনক ক'ৰ'নাৰ তথ্য গাপ দিয়াৰ ক্ষেত্ৰত বিশ্ব স্বাস্থ্য সংস্থা(হো)-ই সহায় কৰা বুলি অভিযোগ উত্থাপন কৰিছে দেশখনৰে এগৰাকী ভাইৰাছবিদে ৷ কিছুদিন পূৰ্বে ভাইৰাছবিদ ডাঃ লাই-মেং য়ানে অভিযোগ কৰিছিল যে ক'ৱিড-১৯ভাইৰাছ চীনে পৰীক্ষাগাৰত সৃষ্টি কৰিছিল। ইয়াৰ প্ৰাৰম্ভিক গৱেষণাত তেৱোঁ জৰিত আছিল।
সম্প্ৰতি ডাঃ য়ানে অভিযোগ কৰিছে যে কৱিড-১৯সম্পৰ্কীয় তথ্য গাপ দিয়াত চীনৰ অংশীদাৰ আছিল বিশ্ব স্বাস্থ্য সংস্থা ৷ উল্লেখ্য যে ক'ৱিড-১৯ৰ প্ৰথম প্ৰাদুৰ্ভাব ঘটিছিল চীনৰ য়ুহানত। শেহতীয়া এটা সাক্ষাতকাৰত ডাঃ য়ানে কয় যে চীনে ক'ৱিড-১৯পৰীক্ষাগাৰত সৃষ্টি কৰা সম্বন্ধীয় বহু তথ্য-প্ৰমাণ তেওঁৰ ওচৰত আছে ৷ "ইয়াৰ জিনীয় সজ্জা মানুহৰ ফিংগাৰপ্ৰিণ্টৰ লেখীয়া ৷ মই এই তথ্য ব্যৱহাৰ কৰি কম যে চীনৰ পৰীক্ষাগাৰৰ পৰা এই ভাইৰাছ ওলাইছে," বিজ্ঞানীগৰাকীয়ে এইদৰে কয় ৷ উল্লেখ্য যে সম্প্ৰতি ডাঃ য়ানে আত্মগোপন কৰি আছে ৷
আৰু পঢ়িব পাৰেঃ অসমত ক'ৱিড-১৯ত মৃতকৰ প্ৰকৃত তথ্য প্ৰকাশ পোৱা নাইঃ বৰদলৈ
