গুৱাহাটীঃ নেহৰু ষ্টেডিয়ামত অনুষ্ঠিত আৰ জি বৰুৱা ছুপাৰ ডিভিজন ফুটবল লীগত ছানৰাইজ এথলেটিক ক্লাবে বিজয়ী আৰম্ভণি কৰে। আজি ইয়াত প্ৰতিযোগিতাখনৰ উদ্বোধনী খেলত ছানৰাইজে মহাৰানা ক্লাবক ৩-১ গ'লত পৰাস্ত কৰে। মেচখনত ষ্ট্ৰাইকাৰ জ্ৱংব্লা ব্ৰহ্মই হেট্ৰিক কৰে।
খেলৰ প্ৰথমাৰ্ধত ভালদৰে ভাৰসাম্য ৰক্ষা কৰা হৈছিল আৰু লেমন বিৰতিৰ সময়ত স্ক'ৰ লেভেল আছিল ১-১। ৩৩ মিনিটত জৱংব্লা য়ে ছানৰাইজক আগুৱাই লৈ যায় আৰু ৩৮ মিনিটত দীপাংকৰ দাসে ঘূৰাই দিয়ে। দ্বিতীয়াৰ্ধত ছানৰাইজে অধিক হেঁচা প্ৰয়োগ কৰিছিল আৰু আৰু দুটা গ'ল দিবলৈও সফল হৈছিল। দুয়োটা গ'ল ৫৯ আৰু খেলৰ অতিৰিক্ত সময়তজৱংব্লা এ দিয়ে। ইফালে আজি জিবেশ্বৰ গোস্বামী (গোপাল) এ ডিভিজন ফুটবল লীগত ৱাক অভাৰ দিয়াৰ লগে লগে নাৰেংগী এছ চিয়ে ৩ পইণ্টৰ আটাইকেইটা লাভ কৰে।