একেদিনাই ১৫জন ক'ৰ'না পজিটিভ চিনাক্ত, অসমত আক্ৰান্ত ৭৯জনলৈ বৃদ্ধি
ক্ৰমাৎ অধিক জটিল হোৱাৰ দিশত অগ্ৰসৰ হৈছে অসমৰ ক'ৰ'না মহামাৰীজনিত পৰিস্থিতি ৷ শেহতীয়া তথ্য অনুসৰি আজি একেদিনাই কামৰূপ মহানগৰত ১৫জন ক'ৰ'না আক্ৰান্ত চিনাক্ত কৰা হয় ৷ ফলত ৰাজ্যত ক'ৰ'না আক্ৰান্তৰ সংখ্যা সম্প্ৰতি ৭৯জনলৈ বৃদ্ধি পাইছে ৷ এই কথা সদৰী কৰি স্বাস্থ্য মন্ত্ৰী হিমন্ত বিশ্ব শৰ্মাই এটা টুইটত কয়, " ফাঁচী বজাৰৰ পূৰ্বে ক'ৱিড-১৯ পজিটিভ চিনাক্তজনৰ সংস্পৰ্শলৈ অহা ১৫জন লোক ক'ৰ'না পজিটিভৰূপে চিনাক্ত হৈছে ৷ আটাইকেইজনক কোৱাৰাণ্টাইন কৰা হৈছে। গতিকে ৰাইজ আতংকিত নহ'ব ৷"
