বন্দে ভাৰত মিছনঃ কুৱেইটৰ পৰা গুৱাহাটীত উপস্থিত ১৫৫ভাৰতীয়
তলাবন্ধৰ ফলত কুৱেইটত আবদ্ধ ১৫৫গৰাকী ভাৰতীয় অৱশেষত গৃহভূমিত উপস্থিত হ'ল ৷ আজি জাজিৰা বিমান সংস্থাৰ এখন বিমানত উঠি এই ভাৰতীয় নাগৰিকসকল গুৱাহাটীত উপস্থিত হয় ৷ এই বিমান নৰেন্দ্ৰ মোদী চৰকাৰৰ অভিলাসী বন্দে ভাৰত মিছনৰ অধীনত চলোৱা হৈছে ৷ অহা পাঁচ জুনলৈকে এনে তিনিখন বিমানে বিদেশৰ ভূমিত আবদ্ধ হৈ থকা ভাৰতীয় নাগৰিকক গৃহভূমিলৈ আনিব ৷ উল্লেখ্য যে প্ৰায় বিশ্বজুৰি ক'ৰ'না মহামাৰীৰ ভয়াবহ প্ৰাদুৰ্ভাব ঘটাত প্ৰায় সকলো দেশে আন্তৰ্জাতিক যাত্ৰীবাহী বিমান সেৱা বাতিল কৰে ৷ ভাৰততো যাত্ৰীবাহী বিমান সেৱা সম্পূৰ্ণৰুপে বাতিল কৰা হয় যদিও যোৱা ২৫ম'ৰ দেশৰ ভিতৰত যাত্ৰীবাহী বিমানে চলাচল কৰিছে ৷ ইপিনে, বিশ্বত ক'ৰ'না মহামাৰীত আক্ৰান্ত হৈ মৃত্যুমুখত পৰা লোকৰ সংখ্যা নিতৌ বৃদ্ধি পাই আছে ৷
আৰু পঢ়িব পাৰেঃ ৰাজ্যত আৰু ৬ জন ক'ৰোনা আৰোগ্যক চিকিৎসালয়ৰ পৰা মুকলি
