Top
Begin typing your search above and press return to search.

ব্যয় সংকোচনঃ ১১প্ৰশিক্ষকক অব্যাহতি দিব বি চি চি আয়ে

এই প্ৰশিক্ষকসকলৰ কাৰ্যকাল অন্ত পৰাৰ পাছত তেওঁলোকৰ সৈতে পুনৰ চুক্তি নকৰাৰ সিদ্ধান্ত লৈছে ব’ৰ্ডে ৷

ব্যয় সংকোচনঃ ১১প্ৰশিক্ষকক অব্যাহতি দিব বি চি চি আয়ে

Sentinel Digital DeskBy : Sentinel Digital Desk

  |  23 Sep 2020 10:47 AM GMT

ক'ৰ'না মহামাৰী ৰোধৰ উদ্দেশ্যে ঘোষিত দীঘলীয়া তলাবন্ধই ভাৰতীয় ক্ৰিকেট নিয়ন্ত্ৰণ ব'ৰ্ড(বি চি চি আই)-কো ব্যয় সংকোচনৰ সিদ্ধান্ত ল'বলৈ বাধ্য কৰিলে ৷ প্ৰাপ্ত তথ্য অনুসৰি ব্যয় সংকোচনৰ লক্ষ্য আগত ৰাখি বি চি চি আয়ে ব'ৰ্ডৰ ১১জন প্ৰশিক্ষকক অব্যাহতি দিব ৷ ৰাষ্ট্ৰীয় ক্ৰিকেট একাডেমীত নিয়োজিত এই প্ৰশিক্ষকসকলৰ কাৰ্যকাল অন্ত পৰাৰ পাছত তেওঁলোকৰ সৈতে পুনৰ চুক্তি নকৰাৰ সিদ্ধান্ত লৈছে ব'ৰ্ডে ৷

এই প্ৰশিক্ষকসকলৰ সৈতে ব'ৰ্ডৰ এবছৰীয়া চুক্তি আছিল ৷ চলিত মাহত এই চুক্তিৰ ম্যাদ অন্ত পৰিব ৷ ব''ৰ্ডে পুনৰ চুক্তিবদ্ধ নোহোৱাৰ সম্ভাৱনা থকাসকলৰ মাজত ৫জন প্ৰাক্তন ক্ৰিকেটাৰো আছে৷ এই ক্ৰিকেটাৰকেইগৰাকী হৈছে ৰমেশ পাৱাৰ, এছ এছ দাস, হৃষিকেশ কানিটকাৰ, সুব্ৰত পাৱাৰ আৰু সুজিত ছমসুন্দৰ। এই ১১ ক্ৰিকেট প্ৰশিক্ষকে ৩০-৩৫লাখ টকা আয় কৰিছিল ৷ অৱশ্যে চুক্তি পুনৰনবীকৰণ নকৰাৰ প্ৰকৃত কাৰণ এই প্ৰশিক্ষকসকলক ব'ৰ্ডে অৱগত কৰা নাই ৷ উল্লেখ্য যে বিশ্বৰে সৰ্বাধিক চহকী ক্ৰিকেট ব'ৰ্ড হৈছে বি চি চি আই।

আৰু পঢ়িব পাৰেঃ ক'ৰ'নাঃ তথ্য গাপ দিয়াত চীনৰ অংশীদাৰ হৈছিল বিশ্ব স্বাস্থ্য সংস্থা

Next Story