ক্ৰীড়া প্ৰেমীসকলৰ মাজত দৌৰৰাণী অসম কন্যা হিমা ইমান কিয় প্ৰিয়, সেয়া পুনৰ তেওঁ নিজেই প্ৰতিপন্ন কৰিলে। হিমাই ২০১৮-ৰ এছিয়ান গেমছত যি পদক কৰিছিল, সেই পদক দৌৰৰাণীয়ে ক'ৱিড-১৯ যুঁজাৰুসকললৈ উত্সৰ্গা কৰিছে।উল্লেখ্য যে হিমাই এছিয়ান গেমছত লাভ কৰা ৰূপৰ পদক শেহতীয়াভাবে স্বৰ্ণ পদকলৈ উন্নীত হৈছে। সম্প্ৰতি হিমাই এই স্বৰ্ণ পদক ক'ৱিড-১৯ যুঁজাৰু তথা চিকিত্সক, নাৰ্ছ, আৰক্ষী আদিলৈ উত্সৰ্গা কৰিছে।
এই কথা সদৰী কৰি এটা টুইটত হিমাই কয়, ' মই মোৰ স্পৰ্ণ পদক ক'ৱিডৰ বিৰুদ্ধে যুঁজ ডি থকা চিকিত্সক, নাৰ্ছকে ধৰি অন্যান্যসকললৈ উত্সৰ্গা কৰিছো"। এনে কাৰ্যৰ বাবে অসংখ্যজনে ছোচিয়েল মিডিয়াত প্ৰশংসাৰে উপচাই পেলাইছে।
