গুৱাহাটীঃ নেহৰু ষ্টেডিয়ামত আজি অনুষ্ঠিত আৰ জি বৰুৱা ছুপাৰ ডিভিজন ফুটবল লীগত ছানৰাইজ এচিয়ে গৌহাটী টাউন ক্লাবক ৩-১ গ'লত পৰাস্ত কৰে।
১৫ মিনিটত মহম্মদ শ্বাহজাহানৰ জৰিয়তে ছানৰাইজে অগ্ৰগতি লাভ কৰে আৰু ৪৮ মিনিটত জ্ৱংব্লা ব্ৰহ্মই ব্যৱধান বৃদ্ধি কৰে।
গৌহাটী টাউন ক্লাবৰ হৈ ৭৫ মিনিটত ৰিপুঞ্জয় দেওৰীয়ে এটা হ্ৰাস কৰে। অৱশ্যে বিকল্প হিচাপে অহা ষ্ট্ৰাইকাৰ মনজিৎ ৰাভাই ৭৭ মিনিটত ছানৰাইজৰ হৈ আৰু এটা সংযোজন কৰি ছানৰাইজৰ হৈ খেলখন ছীল কৰে। ইফালে জিবেশ্বৰ গোস্বামী (গোপাল) এ ডিভিজন ফুটবল লীগত ছাইস্কৰ বিৰুদ্ধে ৱাকঅভাৰ লাভ কৰে কামৰূপা এফ চিয়ে।
কাইলৈৰ খেল : এন এফ ৰেলৱে এছ চি বনাম নৱজ্যোতি ক্লাব (ছুপাৰ ডিভিজন লীগ) আৰু নাৰেংগী এছ চি বনাম ৰাজবাৰী এ চি (এ ডিভিজন)।
