ৰূপালী পৰ্দাৰ জগতত অভিষেক ঘটালে গোৱিন্দাৰ পুত্ৰ য়শবৰ্ধনে
এই লুক সম্পূৰ্ণ কৰিছে হাতত মণিখটোৱা এডাল ব্ৰেচলেটে। ফটোৰ জৰিয়তে প্ৰকাশ পাইছে তেওঁৰ সূক্ষ্ম লুক।
ৰূপালী পৰ্দাৰ জগতত খোজ দিবলৈ আগবঢ়া কেইবাটাও নতুন চেহেৰাৰ মাজত ৯০-ৰ দশকৰ জনপ্ৰিয় অভিনেতা গোবিন্দাৰ পুত্ৰ য়শবৰ্ধন আহুজা হৈছে এটি অন্যতম নাম। অভিনয় জগতত নিজৰ প্ৰতিভা প্ৰদৰ্শন কৰাৰ আগেয়ে নিজৰ সুদৰ্শন চেহেৰা আৰু নিশ্ছিদ্ৰ শৈলীৰে বহুতৰে দৃষ্টি আকৰ্ষণ কৰিবলৈ সক্ষম হৈছে য়শে।
সম্প্ৰতি ২৩বছৰীয়া যুৱক গোবিন্দাৰ পুত্ৰই নিজৰ শেহতীয়া ফটোশ্বুটৰ কিছু দৃশ্য ইনষ্টাগ্ৰামত শ্বেয়াৰ কৰে আৰু বহুজনৰ প্ৰশংসা বুটলে। কিউবান - কলাৰযুক্ত বগা চাৰ্ট পৰিধান কৰা এই লুক সম্পূৰ্ণ কৰিছে হাতত মণিখটোৱা এডাল ব্ৰেচলেটে। ফটোৰ জৰিয়তে প্ৰকাশ পাইছে তেওঁৰ সূক্ষ্ম লুক।
এখন ফটোত তেওঁক পৰিধান কৰা দেখিবলৈ পোৱা গৈছে এটি টোৰটেল নেক চাৰ্ট আৰু ক'লা কোট। জহকালিৰ এই লুক অতিকৈ আকৰ্ষণীয় আৰু পম্পদৌৰ হেয়াৰ ষ্টাইল কিছু আমোদজনক।
পিতৃ গোবিন্দায়ো পুত্ৰৰ এখন আটকধুনীয়া ফটো শ্বেয়াৰ কৰিছে। আৰু এই হ'ট ফটোখনত য়শক দেখিবলৈ পোৱা গৈছে এটা নীলা ৰঙৰ ডেনিম চাৰ্টত।
