মংগলবাৰে ঝাৰখণ্ডৰ খাৰশ্বাৱান জিলাৰ চাৰাইকলা অঞ্চলত সংঘটিত বিস্ফোৰণত চি আৰ পি এফ আৰু ঝাৰখণ্ড আৰক্ষীৰ প্ৰায় ১৫ জন লোক আহত হয় । পুৱা ৪.৫৩ ত আই ই ডি বিস্ফোৰণ সংঘটিত কৰে। এই আক্ৰমণ নক্সালবাদীয়ে কৰিছে বুলি সন্দেহ প্ৰকাশ কৰিছে । আহত সকলৰ ৩ জন অসমৰ কোব্ৰা জোৱান আছিল ।
১৫ জন আহত হোৱা সকলৰ ভিতৰত কোব্ৰা জোৱানৰ ১৩ জন আহত আৰু ২ জন ঝাৰখণ্ড আৰক্ষী আহত হয় ।
৩ কোব্ৰা জোৱান কামৰূপ জিলাৰ বকোৰ মিজানোৰ ৰহমান,কামৰূপ জিলাৰ ৰঙিয়াৰ ডিমো সুনীল কলিতা, নগাঁও জিলাৰ হোজাইৰ শম্ভু মালাহ । তেওঁলোকক বৰ্তমান ঝাৰখণ্ডৰ ভগৱান মহাবীৰ মেডিকেল চুপাৰ স্পেলিটি হস্পিতালত ভৰ্তি কৰোৱা হৈছে ।
মিজানোৰ ৰহমানৰ ৪ বছৰ ধৰি ২০৯ বেটেলিয়ানত আছে । তেওঁৰ পত্নী আৰু ৪ বছৰীয়া পুত্ৰ বকোত থাকে । মিজানোৰ ৰহমানৰ পত্নী বিউতি বেগমে প্ৰকাশ কৰে যে এই ঘটনাটো পুৱা ৪.৩০ ত সংঘটিত হৈছিল । তেওঁক ৬.২৭ খবৰ দিয়া হয়। দৈব্য ক্ৰমে তেওঁলোক ৰক্ষা পৰে । বৰ্তমান তেওঁলোকক চিকিৎসালয়ত ভৰ্তি কৰোৱা হয় । তেওঁ ৰাজহাড় আৰু বাঁও হাতত আঘাত পাইছে বুলি প্ৰকাশ কৰে।
যোৱা বছৰ ঝাৰখণ্ডৰ এম্বুচত মেঘালয়ৰ বাজেনদবাৰ উৎপল ৰাভা নিহত হৈছিল ।
অধিক খবৰৰ বাবে পঢ়ক :শীৰ্ষ বাতৰি
