![অংকিতা ভাণ্ডাৰী গোচৰঃ মৃতদেহ উদ্ধাৰ, প্ৰাক্তন মন্ত্ৰীৰ পুত্ৰ, আৰু দুজনক গ্ৰেপ্তাৰ](http://media.assettype.com/assamese-sentinelassam%2Fimport%2Fh-upload%2F2022%2F09%2F24%2F393492-aaaaaaaaa3333333.jpg?w=480&auto=format%2Ccompress&fit=max)
উত্তৰাখণ্ডঃ শনিবাৰে উত্তৰাখণ্ডৰ ঋষিকেশৰ এটা খালৰ পৰা নিৰুদ্দেশ হোৱা ১৯ বছৰীয়া অংকিতা ভাণ্ডাৰীৰ মৃতদেহ উদ্ধাৰ কৰাৰ মাত্ৰ কেইঘণ্টামান পিছতে স্থানীয় লোকে কৰ্মৰত ৰিজ'ৰ্টত জুই জ্বলাই দিয়ে। অংকিতাই উত্তৰাখণ্ডৰ পৌৰী জিলাৰ বনন্ত্ৰা ৰিজৰ্টত ৰিচেপচনিষ্ট হিচাপে কাম কৰিছিল।
ঋষিকেশ উত্তৰাখণ্ডৰ চিল্লা খালৰ পৰা উদ্ধাৰ হৈছে অংকিতাৰ মৃতদেহ।
উত্তৰাখণ্ডৰ বিজেপিৰ প্ৰাক্তন মন্ত্ৰী বিনোদ আৰ্য্যৰ পুত্ৰ তথা কিশোৰী গৰাকীৰ হত্যাকাণ্ডৰ মূল অভিযুক্ত পুলকিত আৰ্য্যৰ এই ৰিজৰ্টখনৰ মালিক আছিল।
আৰক্ষীয়ে অংকিতা ভাণ্ডাৰী নামৰ এগৰাকী ১৯ বছৰীয়া কিশোৰীৰ হত্যাকাণ্ডৰ সৈতে জড়িত থকা তিনিজন লোকক গ্ৰেপ্তাৰ কৰিছিল। তিনিওজন ব্যক্তি হৈছে পুলকিত আৰ্য(৩৫), সৌৰভ ভাস্কৰ(৩৫) আৰু অংকিত গুপ্তা(১৯)।
আনহাতে ,পুলকিত আৰ্য্য ৰিজৰ্টখনৰ মালিক হোৱাৰ বিপৰীতে সৌৰভ ভাস্কৰ ৰিজৰ্টখনৰ মেনেজাৰ আৰু অংকিত গুপ্তা ষ্টাফ মেম্বাৰ।
খবৰ অনুসৰি ,১৮ ছেপ্টেম্বৰৰ নিশা নিৰুদ্দেশ হৈছিল অংকিতা ফলস্বৰূপে, আৰক্ষীয়ে তদন্ত কৰি শুকুৰবাৰে তিনিওজন অভিযুক্ত অপৰাধীক গ্ৰেপ্তাৰ কৰে।
পৌৰী গড়ৱালৰ এছ এছ পি য়চৱন্ত সিঙে জনোৱা মতে, বৃহস্পতিবাৰে নিশা আৰক্ষীয়ে অভিযুক্তক সোধা-পোছা কৰে, যিয়ে তেওঁলোকৰ অপৰাধ স্বীকাৰ কৰে। খবৰ অনুসৰি,অভিযুক্ত হত্যাকাৰীয়ে আৰক্ষীৰ আগত স্বীকাৰ কৰিছিল যে তেওঁলোকে মৃতকক হত্যা কৰিছিল কাৰণ মৃতগৰাকীয়ে যৌন উপকাৰত লিপ্ত হোৱাৰ বাবে অস্বীকাৰ কৰিছিল।
জনসাধাৰণৰ মাজত আৰম্ভ হৈছিল এক বৃহৎ হুলস্থুল, সকলোৱে এই ঘটনাক গৰিহণা দিছিল। স্থানীয় লোকে ৰিজৰ্টখন ভাঙি-ছিঙি দিয়াৰ লগতে অভিযুক্তক জেৰাৰ বাবে নিয়াৰ সময়ত মহিলাসকলে প্ৰহাৰ কৰে।
সৌৰভে আৰক্ষীক জনোৱা মতে, ১৮ ছেপ্টেম্বৰৰ সন্ধিয়া পুলকিত আৰু অংকিত ,তেওঁৰ আৰু অংকিতৰ সন্মুখত তেওঁৰ কোঠাত কাজিয়াত লিপ্ত হৈছিল।
এছ এছ পি য়চৱন্ত সিঙৰ খবৰ অনুসৰি নিশা প্ৰায় ৮ বজাত তৰ্ক-বিতৰ্কৰ অন্তত তিনিওজন অভিযুক্তই অংকিতাৰ সৈতে ৰিজৰ্টৰ পৰা ওলাই যায়। তেওঁ পুলকিতৰ লগত বহিছিল আৰু সৌৰব আৰু অংকিত আন এখন বাইকত একেলগে বহিছিল। এইমছ(AIIMS)ঋষিকেশৰ ফালে গৈ ,তাৰ পিছত চিল্লা বেৰেজলৈ গৈ তিনিওজন অভিযুক্তই সুৰা লৈ যায়। তাৰ পিছত আন এক তৰ্ক-বিতৰ্ক হ'ল আৰু পুলকিতে ছোৱালীজনীক ঠেলি নদীৰ মাজলৈ লৈ গ'ল।
খবৰ অনুসৰি অংকিতাই, পুলকিতে নদীত ঠেলি দিয়াৰ আগতেই পুলকিতৰ ফোনটো নদীত পেলাই দিছিল।
১৪ জনীয়া তদন্ত দলৰ নেতৃত্ব দিয়া শেখৰ চুয়ালে কয় যে ঘটনাটোৰ পিছত তিনিওজন হৰিদ্বাৰলৈ যায়।
প্ৰাপ্ত খবৰ অনুসৰি, ঘটনা সংঘটিত হোৱাৰ পিছত পুলকিতে ৰিজৰ্টখনলৈ ফোন কৰি অংকিতাৰ সৈতে কথা পাতিবলৈ কয়। পিছদিনা ৰাতিপুৱা তেওঁলোকে আন কৰ্মচাৰীসকলক জনাই দিলে যে তাই তাইৰ কোঠাৰ পৰা নিৰুদ্দেশ হৈছে।
খবৰ অনুসৰি, এই কাণ্ডৰ কিছুদিন পূৰ্বে অংকিতাই তেওঁৰ এগৰাকী বন্ধুক মেছেজ কৰি জনাইছিল যে তেওঁক ৰিজ'ৰ্টৰ অতিথিসকলক অতিৰিক্ত সেৱা আগবঢ়াবলৈ কোৱা হৈছে। তাই টেক্সটটোত উল্লেখ কৰিছে যে তাই নিৰাপত্তাহীনতা অনুভৱ কৰি আছে ।
অভিযুক্ত অপৰাধীয়ে আৰক্ষীৰ আগত স্বীকাৰোক্তি দিয়াৰ পাছত শনিবাৰে পুৱা ৰাজ্যিক দুৰ্যোগ সঁহাৰি বাহিনীৰ এটা উদ্ধাৰকাৰী দলে নদীখনত তালাচী চলায় আৰু তেওঁৰ মৃতদেহ উদ্ধাৰ কৰে। মৃতদেহটোৰ পৰিয়ালৰ লোকে চিনাক্ত কৰা মৃতদেহটো এতিয়া এইমছ(AIIMS) ঋষিকেশলৈ প্ৰেৰণ কৰা হৈছে।
ইফালে,বিজেপিয়ে শনিবাৰৰ পৰা তাৎক্ষণিকভাৱে কাৰ্যকৰী হোৱাকৈ বহিষ্কাৰ কৰে বিনোদ আৰ্য্য আৰু পুলকিত আৰ্য্যৰ পিতৃ আৰু ভাতৃ অংকিত আৰ্য্যক