অসমত ক'ৰ'না আক্ৰান্তৰ সংখ্যা ২৩২৪জনলৈ বৃদ্ধি, আৰু ৮১জন পজিটিভ
অসমত ক'ৰ'না আক্ৰান্তৰ সংখ্যাৰ উদ্বেগজনক বৃদ্ধি অব্যাহত আছে। শেহতীয়া তথ্য অনুসৰি ৰাজ্যত মুঠ ক'ৰ'না আক্ৰান্তৰ সংখ্যা ২৩২৪জনলৈ বৃদ্ধি পাইছে। স্বাস্থ্য মন্ত্ৰী হিমন্ত বিশ্ব শৰ্মাই প্ৰকাশ কৰা অনুসৰি ৰাজ্যত নতুনকৈ আৰু ৮১জন ক'ৰ'না আক্ৰান্ত চিনাক্ত কৰা হৈছে। এই ৮১ ক'ৰ'না আক্ৰান্তৰ ৪০জন হোজাইৰ, ৯জন ধেমাজিৰ, ৭জন বৰপেটাৰ, ৭জন নগাঁৱৰ, ৪জন বিশ্বনাথৰ, ৪জন বিমানকোঠৰ, ৩জন শোণিতপুৰৰ, ২জন কাৰ্বি আংলঙৰ, ২জন তিনিচুকীয়াৰ, ১জন মৰিগাঁৱৰ, এজন ডিব্ৰুগড়ৰ আৰু এজন লখিমপুৰৰ। ফলত ৰাজ্যত এক্টিভ ক'ৰ'না আক্ৰান্তৰ সংখ্যা ১৮০৮জনলৈ বৃদ্ধি পাইছে।
