অসমত ক'ৰ'না আক্ৰান্তৰ সংখ্যা ৫৯৫লৈ বৃদ্ধি, আৰু ৪৭ জন পজিটিভ চিনাক্ত
অসমত দ্ৰুত গতিত বৃদ্ধি পাইছে কোৱিড-১৯ত আক্ৰান্তৰ সংখ্যা। শেহতীয়া তথ্য অনুসৰি এই মহামাৰীত আক্ৰান্ত লোকৰ সংখ্যা সম্প্ৰতি ৰাজ্যত ৫৯৫ জনলৈ বৃদ্ধি পাইছে ৷ স্বাস্থ্য মন্ত্ৰী হিমন্ত বিশ্ব শৰ্মাই প্ৰকাশ কৰা অনুসৰি আজি নতুনকৈ ৪৭জন লোকৰ শৰীৰত ক'ৰ'না ভাইৰাছৰ উপস্থিতি ধৰা পৰে ৷ এই ৪৭ জন লোকৰ ২১জন গোলাঘাটৰ, চাৰিজন লখিমপুৰৰ, আঠজন মৰিগাঁৱৰ, তিনিজন গোৱালপাৰাৰ, দুজন কাৰ্বি আংলঙৰ, পাঁচজন নগাঁৱৰ আৰু এজনকৈ হোজাইৰ আৰু গুৱাহাটীৰ মহেন্দ্ৰ মোহন চৌধুৰী হাস্পতালৰ।