Begin typing your search above and press return to search.

ডিব্ৰুগড়ত দলৱদ্ধ ধৰ্ষণৰ বলি কলেজীয়া ছাত্ৰীঃ তিনিজনৰ বিৰুদ্ধে অভিযোগ

তাৰ পাছৰে পৰা তেওঁক দেৱজিতে ব্লেকমেইলিঙৰ অপচেষ্টা চলাই অহা বুলিও ভুক্তভোগীগৰাকীয়ে অভিযোগ কৰে ৷

ডিব্ৰুগড়ত দলৱদ্ধ ধৰ্ষণৰ বলি কলেজীয়া ছাত্ৰীঃ তিনিজনৰ বিৰুদ্ধে অভিযোগ

Sentinel Digital DeskBy : Sentinel Digital Desk

  |  25 Oct 2021 9:06 AM GMT

ডিব্ৰুগড়ত এগৰাকী কলেজীয়া ছাত্ৰী দলবদ্ধ ধৰ্ষণৰ বলি হোৱাৰ অভিযোগ উত্থাপিত হৈছে ৷ ভুক্তভোগীগৰাকীয়ে অভিযোগ কৰা অনুসৰি তেওঁ কলেজলৈ গৈ থকা অৱস্থাত তেওঁৰ এজন সহপাঠীয়ে আন দুজন লোকৰ সৈতে মিলি এটা কোঠালৈ অপহৰণ কৰি নি তাত ধৰ্ষণ কৰে ৷ তেওঁক তিনিজনীয়া দলটোৱে নিচাযুক্ত দ্ৰব্য খুৱাই অসৎ কামনা চৰিতাৰ্থ কৰে ৷ ছাত্ৰীগৰাকীয়ে অভিযোগ কৰা অনুসৰি তেওঁৰ দলবদ্ধ ধৰ্ষণত পবিত্ৰ হাজৰিকা, আৰয়ান দাস আৰু দেৱজিৎ দাস নামৰ লোককেইজন জড়িত আছিল ৷ ধৰ্ষণ কৰাৰ পাছত ধৰ্ষণকাৰীকেইজনে ভুক্তভোগীক হত্যাৰ ভাবুকি দি ঘটনাৰ গোপনে ৰাখিবলৈ কয় ৷ পাছত ছাত্ৰীগৰাকী আৰক্ষীৰ দ্বাৰস্থ হয় ৷

ঘটনা সন্দৰ্ভত তেওঁ কয়, " ঘটনাৰ দিনা মই কলেজলৈ যোৱাৰ পথত মোৰ সহপাঠী আৰয়ান দাসক লগ পাওঁ ৷ তেওঁ মোক তেওঁৰ লগত যাবলৈ লগ ধৰে ৷ মই তেওঁৰ স্কুটীত উঠি যাওঁ ৷ কিন্তু কিছু দূৰ যোৱাৰ পাছতে তেওঁ মোক স্কুটীখন বেয়া হোৱা বুলি কয় ৷ তেনে সময়তে তেওঁৰ ভিনিহিয়েকক গাড়ীৰ সৈতে ৷ তেওঁ আমাক কলেজত নমাই দিয়াৰ প্ৰতিশ্ৰুতিৰে গাড়ীত উঠায় ৷ কিন্তু তেওঁৰ গাড়ীত গৈ থকা অৱস্থাত তেওঁ আৰু আৰয়ানে মোক জুচ খাবলৈ দিয়ে ৷ তাৰ পাচতে মই জ্ঞান হেৰুৱাওঁ ৷ পাছত মই এটা কোঠাত নিজকে অৰ্ধনগ্ন অৱস্থাত উদ্ধাৰ কৰো ৷ কোঠাটোত আৰয়ান, দেৱজিত আৰু পবিত্ৰ আছিল ৷ তেওঁলোকে মোক ভাবুকি দি কোঠাটোৰ পৰা উলিয়াই দিয়ে ৷" তাৰ পাছৰে পৰা তেওঁক দেৱজিতে ব্লেকমেইলিঙৰ অপচেষ্টা চলাই অহা বুলিও ভুক্তভোগীগৰাকীয়ে অভিযোগ কৰে ৷


আৰু পঢ়িব পাৰেঃ চতুৰ্থবাৰলৈ ৰাষ্ট্ৰীয় বঁটা লাভ কৰিলে কংগনা ৰাণাৱটে

Next Story