নতুন দিল্লীঃ ভাৰতে শুকুৰবাৰে পাকিস্তানক জাননী জাৰি কৰি সিন্ধু জল সন্ধি (আই ডব্লিউ টি) কাৰ্যকৰী কৰাৰ ক্ষেত্ৰত পাকিস্তানক "অসংলগ্নতা"ৰ বাবে দোষাৰোপ কৰে বুলি বাতৰি প্ৰকাশ পাইছে। সূত্ৰৰ উদ্ধৃতিৰে প্ৰকাশ কৰা বাতৰি অনুসৰি ২৫ জানুৱাৰীত ইছলামবাদলৈ প্ৰেৰণ কৰা হৈছিল "সংশোধনৰ জাননী"।
ভাৰত আৰু পাকিস্তানে ৯ বছৰীয়া আলোচনাৰ অন্তত ১৯৬০ চনৰ ছেপ্টেম্বৰ মাহত আই ডব্লিউ টিত স্বাক্ষৰ কৰিছিল। এই চুক্তিৰ স্বাক্ষৰকাৰী আছিল বিশ্ব বেংক।আই ডব্লিউ টিয়ে কেইবাখনো নদীৰ পানীৰ ব্যৱহাৰৰ সন্দৰ্ভত দুয়োখন দেশৰ মাজত সহযোগিতা আৰু তথ্য বিনিময়ৰ ব্যৱস্থাৰ কথা কল্পনা কৰিছে। সূত্রৰ উদ্ধৃতিৰে প্রতিবেদনত প্রকাশ কৰা হৈছে যে আই ডব্লিউ টি আখৰে আখৰে আৰু মনোভাৱেৰে ৰূপায়ণ কৰাৰ ক্ষেত্ৰত ভাৰত সদায় এক আৰু অটল সমর্থক তথা দায়িত্বশীল অংশীদাৰ হৈ আহিছে৷পাকিস্তানৰ এই কাৰ্যই অৱশ্যে আই ডব্লিউ টিৰ বিধান আৰু ইয়াৰ কাৰ্যকৰীকৰণত বিৰূপ প্ৰভাৱ পেলাইছে আৰু ভাৰতে চুক্তিখনৰ সংশোধনৰ বাবে উপযুক্ত জাননী জাৰি কৰিবলৈ বাধ্য হৈছে বুলি সূত্ৰৰ উদ্ধৃতিৰে প্ৰকাশ পাইছে।
