২৭মে'ৰ পৰা ৬জুনলৈ অসমলৈ আহিব চাৰিখন আন্তৰ্জাতিক বিমান
তলাবন্ধৰ মাজতে অসমলৈ চলিব আন্তৰ্জাতিক বিমান। অহা ২৭মে'ৰ পৰা ৬ জুনলৈ বিশ্বৰ কে'বাখনো দেশৰ পৰা চাৰিখন বিমান গুৱাহাটীলৈ আহিব। মঙলবাৰে টুইটাৰত এই কথা সদৰী কৰে ৰাজ্যৰ মুখ্য সচিব কুমাৰ সঞ্জয় কৃষ্ণই । মুখ্য সচিবগৰাকীয়ে সদৰী কৰা অনুসৰি ইউক্ৰেইন, ৰাছিয়াৰ মস্কো, ফিলিপাইনছ আৰু কোৱেইটৰ পৰা চাৰিখন বিমান অহা ২৭মে'ৰ পৰা ছয় জুনলৈ যাত্ৰীসহ গুৱাহাটীত উপস্থিত হ'ব ৷ উল্লেখ্য যে ভাৰত চৰকাৰে তলাবন্ধৰ সময়ছোৱাত বিশ্বৰ বিভিন্ন দেশত আবদ্ধ হৈ পৰা ভাৰতীয় লোকক দেশলৈ অনাৰ ব্যৱস্থা কৰিছে ৷