ক'ৰ'নাৰ সংক্ৰমণ বৃদ্ধি পোৱাৰ পৰিপ্ৰেক্ষিতত যোৰহাট নগৰত পুনৰ তলাবন্ধ আৰোপ হ'ব। জিলা প্ৰশাসনে লোৱা সিদ্ধান্ত অনুসৰি অহা ৯ জুনাই তথা বৃহস্পতিবাৰৰ পৰা যোৰহাট নগৰত সম্পূৰ্ণ তলাবন্ধ আৰোপিত হ'ব। যোৰহাট পৌৰ সভাৰ অন্তৰ্গত অঞ্চলত এই তলাবন্ধ ৯জুলাইৰ সন্ধিয়া ৭ বজাৰ পৰা বলবত হ'ব। এই তলাবন্ধ ১৫জুলাইলৈকে বাহাল থাকিব। আনহাতে, জিলাখনত প্ৰতি সপ্তাহৰ শনিবাৰ আৰু দেওবাৰে আৰোপিত তলাবন্ধ নগৰৰ উপকণ্ঠীয় অঞ্চলসমূহত বাহাল থাকিব। এই তলাবন্ধৰ সময়চোৱাত সাধাৰণ লোকৰ চলন-ফুৰণ, চৰকাৰী-বেচৰকাৰী কাৰ্যালয়, ব্যক্তিগত যানবাহন, আতিথ্যখণ্ডৰ সেৱা, ঔদ্যোগিক প্ৰতিষ্ঠান বন্ধ থাকিব। অৱশ্যে হাস্পতাল, ফাৰ্মাচী, এক সীমিত সংখ্যক বেংক, সংবাদ মাধ্যম, অগ্নিনিৰ্বাপক সেৱা, আইন-শংখলাৰক্ষাকাৰী আদি সেৱাসমূহ খোলা থাকিব।
