অসমত বানত মৃতৰ সংখ্যা দুজনলৈ বৃদ্ধিঃ নখন জিলাৰ দুই লক্ষাধিক ক্ষতিগ্ৰস্ত

অসমত বানত মৃতৰ সংখ্যা দুজনলৈ বৃদ্ধিঃ নখন জিলাৰ দুই লক্ষাধিক ক্ষতিগ্ৰস্ত

ৰাজ্যত সাম্প্ৰতিক বানত মৃতৰ সংখ্যা দুজনলৈ বৃদ্ধি পাইছে ৷ কালি গোৱালপাৰাৰ ৰংজুলিত এজন লোকৰ বানত ডুবি মৃত্যু হোৱাৰ পাছত আজি একেখন জিলাত বানত আন এজন লোকৰ মৃত্যু হয় ৷ আনহাতে, সাম্প্ৰতিক বানত ৰাজ্যৰ নখন জিলাৰ দুই লক্ষাধিক লোক ক্ষতিগ্ৰস্ত হৈছে ৷ চৰকাৰী তথ্য অনুসৰি এই বানত দুই লাখ ৯৪হেজাৰ ১৭০জন লোক ক্ষতিগ্ৰস্ত হৈছে ৷ ক্ষতিগ্ৰস্তসকলৰ অধিকাংশই গোৱালপাৰা জিলাৰ ৷ জিলাখনত সাম্প্ৰতিক বানত মুঠ দুই লাখ এহেজাৰ ৩৪৭জন লোক ক্ষতিগ্ৰস্ত হৈছে ৷ সাম্প্ৰতিক বানৰ দ্বাৰা ক্ষতিগ্ৰস্ত আনকেইখন জিলা হৈছে ধেমাজি, নগাঁও, হোজাই, দৰং, নলবাৰী, পশ্চিম কাৰ্বি আংলং, ডিব্ৰুগড় আৰু তিনিচুকীয়া ৷