মৰিয়নিৰ নাগিনীজান চাহ বাগিচাত সংঘটিত হৈছে এক আচৰিত ঘটনা । কন্যাসহ এগৰাকী মাতৃয়ে ৰহস্যজনকভাৱে আত্মহত্যা কৰিছে।মৰিয়নিৰ নাগিনীজান চাহ বাগিচাত নিশা নিজ গৃহৰ ভিতৰতে কনমানি কন্যাসহ মাতৃৰ মৃতদেহ উদ্ধাৰ হোৱা ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে। বাগিচা খনৰ প্ৰীতিল এক্কা নামৰ লোক জনৰ পত্নী সুনিতা এক্কা আৰু তিনিবছৰীয়া কনমানিজনীৰ মৃতদেহ আৰক্ষীয়ে নিজৰ ঘৰৰ এটা কোঠাত পৰি থকা অৱস্থাত উদ্ধাৰ কৰে।
পৰিয়ালৰ লোকৰ মতে মাতৃ আৰু কন্যাই কোঠালিৰ ভিতৰতে চিলিঙত ৰচীৰে চিপ লৈ আত্মহত্যা কৰিছে। ঘটনাস্থলীত স্থনীয় দেবেৰাপাৰ আৰক্ষী উপস্থিত হৈ মৃতদেহ দুটা উদ্ধাৰ কৰা লগতে তদন্ত প্ৰক্ৰিয়া আৰম্ভ কৰিছে।আৰক্ষীয়ে মৰণোত্তৰ পৰীক্ষাৰ পাছতহে এইয়া প্ৰকৃততে হত্যাকাণ্ড নে আত্মহত্যাৰ ঘটনা পোহৰলৈ আহিব বুলি উল্লেখ কৰিছে।
আনহাতে মৃতদেহ উদ্ধাৰ হোৱা কোঠাটোৰ সামগ্ৰী সমুহ লণ্ডভণ্ড হৈ থকা লগতে বেৰ এখন ভগা অৱস্থাত উদ্ধাৰ হৈছে।এই ঘটনাই নাগিনীজান চাহ বাগিচাত চাঞ্চল্য সৃষ্টি কৰা লগতে আৰক্ষীয়ে সোধপোছৰ বাবে মহিলা গৰাকীৰ স্বামী প্ৰীতিল এক্কাক আটক কৰিছে।
