অসমত অৱস্থা জটিল হৈ পৰা ক'ৱিড-১৯আক্ৰান্তৰ সংখ্যা বৃদ্ধি পাইছে ৷ এই উদ্ধেগজনক তথ্য কৰিছে স্বাস্থ্য মন্ত্ৰী হিমন্ত বিশ্ব শৰ্মাই ৷ দেওবাৰে মন্ত্ৰী শৰ্মাই কয় যে ক'ৱিড-১৯আক্ৰান্ত হোৱাৰ পাছত অৱস্থা সংকটজনক হৈ পৰা লোকৰ সংখ্যা বৃদ্ধি পাইছে ৷ ইয়াৰ পৰিপ্ৰেক্ষিতত চিকিৎসালয়ত জৰুৰীকালীন কক্ষ(আই চি ইউ)-ৰ সংখ্যা বৃদ্ধিৰ পোষকতা কৰিছে মন্ত্ৰীজনে ৷
স্বাস্থ্য মন্ত্ৰী শৰ্মাই লগতে কয় যে এনে ধৰণৰ ৰোগীৰ চিকিৎসাৰ বাবে আই চি ইউৰ সংখ্যা কৰাটো অত্যন্ত প্ৰয়োজন হৈ উঠিছে ৷ কালি মন্ত্ৰী শৰ্মাই গুৱাহাটীৰ মহেন্দ্ৰ মোহন চৌধুৰী চিকিৎসালয়ত শিশু চিকিৎসাৰ এটা বিশেষ কেন্দ্ৰ মুকলি কৰে ৷ কেন্দ্ৰটো মুকলি কৰি তেওঁ কয় যে অন্যান্য ৰোগটো আক্ৰান্ত ক'ৰ'না ৰোগী চিকিৎসাধীন হোৱাৰ তথ্য চৰকাৰে লাভ কৰিছে ৷ "আমি চিকিৎসালয়সমূহত আই চি ইউৰ সংখ্যা বৃদ্ধি কৰাৰ প্ৰয়োজন হৈছে ৷ ইতিমধ্যে কালাপাহাৰস্থিত ক'ৱিড কেয়াৰ কেন্দ্ৰ বন্ধ কৰা হৈছে ৷, মন্ত্ৰী শৰ্মাই এইদৰে কয় ৷
উল্লেখ্য যে দেওবাৰে নিশালৈকে ৰাজ্যত মুঠ ক'ৰ'না আক্ৰান্তৰ সংখ্যা ১, ০৫,৭৭৪জনলৈ বৃদ্ধি পাইছে ৷ ইয়াৰে ২১, ৫৪৮জনৰ শৰীৰত ক'ৰ'না ভাইৰাছ সক্ৰিয় হৈ আছে ৷ ৮৩, ৯২১জনে সুস্থ হৈ চিকিৎসালয়ৰ পৰা ঘৰলৈ ওভতিছে ৷ আনহাতে, ২৯৬জন ক'ৰ'না আক্ৰান্ত মৃত্যুমুখত পৰিছে ৷
