Top
Begin typing your search above and press return to search.

ৰাজ্যত তৃতীয়টো বানৰ সংহাৰঃ ২.২৫লাখ লোক ক্ষতিগ্ৰস্ত

সাম্প্ৰতিক বানত ৯খন জিলাৰ ১৩টা ৰাজহচক্ৰৰ ২১৯খন গাঁও ক্ষতিগ্ৰস্ত হৈছে

ৰাজ্যত তৃতীয়টো বানৰ সংহাৰঃ ২.২৫লাখ লোক ক্ষতিগ্ৰস্ত

Sentinel Digital DeskBy : Sentinel Digital Desk

  |  28 Sep 2020 8:29 AM GMT

আহিন মহীয়া হোৱা চলিত বৰ্ষৰ তৃতীয়টো বানে ৰাজ্যৰ বহু অঞ্চলত হাহাকাৰৰ ধ্বনি তুলিছে ৷ চলিত বৰ্ষৰ প্ৰথমটো দুটা বানক লৈ দেশে-বিদেশে ব্যাপক চৰ্চা হয় যদিও শেহতীয়া বানক লৈ বিশেষ চৰ্চা হোৱা নাই ৷ প্ৰাপ্ত তথ্য অনুসৰি বছৰটোৰ এই তৃতীয়টো বানত ২.২৫লাখ লোক ক্ষতিগ্ৰস্ত হৈছে ৷ সাম্প্ৰতিক বানত ৯খন জিলাৰ ১৩টা ৰাজহচক্ৰৰ ২১৯খন গাঁও ক্ষতিগ্ৰস্ত হৈছে। এই তথ্য ৰাজ্যিক দুৰ্যোগ প্ৰশমন বিভাগৰ। এই বানত ১০হেজাৰ হেক্টৰ কৃষিভূমি প্লাৱিত হৈছে ৷

বানত ৪০হেজাৰ পশুধনে দুৰ্ভোগ ভুগিবলগীয়া হৈছে ৷ বিভিন্ন স্থানত প্ৰশাসনে বানাক্ৰান্তৰ বাবে কমেও ৪০টা আশ্ৰয় শিবিৰ স্থাপন কৰিছে ৷ বানত পৰিস্থিতি অধিক জটিল হোৱাৰ আশংকা আছে ৷ কাৰণ মহাবাহু ব্ৰহ্মপুত্ৰ যোৰহাটৰ নিমাতীঘাট আৰু শোণিতপুৰ জিলাত বিপদসীমাৰ ওপৰেৰে বৈ আছে ৷

একেদৰে জীয়াভৰলীয়ে শোণিতপুৰত আৰু কপিলীয়ে নগাঁৱত বিপদসীমা অতিক্ৰম কৰিছে ৷ চলিত বৰ্ষৰ প্ৰথম দুটা বানত ব্ৰহ্মপুত্ৰয়ো বিভিন্ন স্থানত বিস্তৰ ক্ষতিসাধন কৰে ৷

আৰু পঢ়িব পাৰেঃ হঠাৎ খাদ্যবস্তুৰ মূল্যবৃদ্ধিঃ অসাধু ব্যৱসায়ীৰ দৌৰাত্ম্যত দিশহাৰা গ্ৰাহক

Next Story