আৰু ১৩জন পজিটিভ চিনাক্তঃ অসমত ক'ৱিড আক্ৰান্তৰ সংখ্যা ১৭০লৈ বৃদ্ধি
অসমত ক'ৱিড-১৯মহামাৰী জনিত পৰিস্থিতি জটিল হৈয়ে আছে ৷ আজি আকৌ ১৩জন ক'ৰ'না আক্ৰান্ত চিনাক্ত কৰা হয় ৷ ফলত ৰাজ্যত ক'ৰতনা আক্ৰান্তৰ সংখ্যা ১৭০জনলৈ বৃদ্ধি পাইছে ৷ এই কথা সদৰী কৰি এটা টুইটত স্বাস্থ্য মন্ত্ৰী হিমন্ত বিশ্ব শৰ্মাই কয়, " ১৩জন নতুন ক'ৰ'না আক্ৰান্ত ধৰা পৰিছে ৷ ইয়াৰে আঠজন হোজাইৰ ৷ দুজন শোণিতপুৰৰ ৷ আন তিনিজনৰ এজন কামৰূপ(মহানগৰ)ৰ, এজন কামৰূপৰ আৰু আনজন নগাঁৱৰ ৷" সম্প্ৰতি ৰাজ্যত সক্ৰিয় ক'ৱিড পজিটিভৰ সংখ্যা ১১৫জন ৷ ইপিনে, আজি সাতজন ক'ৰ'না আক্ৰান্তই সুস্থ হৈ চিকিৎসালয়ৰ পৰা ঘৰমুৱা হয় ৷
