গুৱাহাটীস্থিত সিংহ পুৰুষ ৰাধাগোবিন্দ বৰুৱা সভাকক্ষত অসম সাহিত্য সভা আৰু ইউনিভাৰ্চিটি অব ছায়েন্স এণ্ড টেকন'লজি মেঘালয়ে আজি এক সংবাদমেল সম্বোধন কৰে । সংবাদমেলতে অসম সাহিত্য সভা আৰু ইউ এচ টি এমে যুটিয়াভাৱে আৰ্থিক দিশত দুৰ্বল মেধাৱী ছাত্ৰ-ছাত্ৰীৰ বাবে শিক্ষাৰ জলপানিৰ আৰু গৱেষণা বৃত্তি ঘোষণা কৰে ।
সাহিত্য সভাৰ ২০ গৰাকী প্ৰাক্তন সভাপতিৰ নামত ২০ টা পূৰ্ণাংগ শিক্ষা জলপানি প্ৰদান কৰিব । এই ২০ টা জলপানিৰ ১৫ টা স্নাতকোত্তৰ শিক্ষাৰ বাবে আৰু ৫ টা স্নাতক শিক্ষাৰ বাবে নিৰ্ধাৰিত কৰা হৈছে বুলি প্ৰকাশ কৰে ।মেধাৰ ভিত্তিত নিৰ্বাচিত হোৱা দৰিদ্ৰ ছাত্ৰ-ছাত্ৰী সকলে স্নাতক আৰু স্নাতকোত্তৰ বিভাগত পদাৰ্থ বিজ্ঞান, ৰাসায়ন বিজ্ঞান, উদ্ভিদ বিজ্ঞানৰ, জীৱ বিজ্ঞান, ইংৰাজি, গণিত, ৰাজনীতি বিজ্ঞানৰ লগতে আৰু বহু কেইটা পঢ়াৰ সুবিধা পাব বুলি প্ৰকাশ কৰে সংবাদমেলতে ।
লগতে ডঃ মহেশ্বৰ নেওগ আৰু সাহিত্যচাৰ্য চৈয়দ আব্দুল মালিকৰ সোঁৱৰণত প্ৰদান কৰা হব দুটা গৱেষণা বৃত্তি সাহাৰ্য্য । জলপানিৰ বাবে ছাত্ৰ ছাত্ৰীৰ সকলে অসম সাহিত্য সভা অন্যথা www.ustm.ac.in ৰ পৰা আৱেদন পত্ৰ সংগ্ৰহ কৰিব পাৰিব বুলি প্ৰকাশ কৰে সংবাদমেলতে। প্ৰ-পত্ৰ জমা দিয়াৰ অন্তিম দিন হৈছে ১৫ জুন । ২০ জুনত নিৰ্বাচিত ছাত্ৰ-ছাত্ৰীৰ নাম ঘোষণা কৰা হব বুলি প্ৰকাশ কৰে।
অন্য খবৰৰ বাবে পঢ়ক : ৰাজ্যিক বাতৰি
