আমিনগাঁৱৰ পিছত এইবাৰ গোলাঘাট জিলাৰ খুমটাইৰ চিনাতলীত সমাজত শান্তিৰ বাবে আৰম্ভ হ’ল ৰুদ্ৰ মহাযজ্ঞৰ ৷ ৰাজ্যখনত বৰ্তমান হিংসা, হত্যাৰ পৰা পৰিত্ৰাণ পাবলৈ, সমাজৰ অসুয়া শক্তিসমূহ বিনাস হ’বলৈ এই ৰুদ্ৰ মহাযজ্ঞৰ আয়োজন কৰিছে ৷
সেউজ আৰু স্বচ্ছ গাঁও হিচাপে ৰাজ্য চৰকাৰৰ পৰা বিশেষ সন্মান লাভ কৰা ঐতিহ্যমণ্ডিত চিনাতলী গাঁৱৰ সমূহ গাওঁবাসীৰ উদ্যোগত ৯নবেম্বৰৰ পৰা ১৩ নবেম্বৰলৈকে চাৰিদিনীয়া কাৰ্যসূচীৰে এই মহাযজ্ঞ অনুষ্ঠিত কৰিছে ৷
কাৰ্যসূচী অনুসৰি পানীতোলা আৰু শোভাযাত্ৰাৰ পিছতেই মূল পূজা আৰু যজ্ঞ আৰম্ভ হ’ব বুলি উদ্যোক্তাই জানিবলৈ দিছে ৷ ১৫জন পুৰুহিতে এই মহাযজ্ঞৰ মূল পূজা আৰু যজ্ঞভাগ কৰিবলৈ ইতিমধ্যে সাজু হৈছে ৷
অসমখনৰ বৰ্তমান অষ্ঠিৰ পৰিবেশৰ মাজতে চিনাতলী গাওঁৰ সমূহ গাওঁবাসী একত্ৰিত হৈ এই ৰুদ্ৰ মহাযজ্ঞৰ জৰিয়তে শান্তি প্ৰতিষ্ঠা কৰাৰ বাবে সকলোৱে শলাগ লৈছে ৷
