ৰাজ্য চৰকাৰক প্ৰশংসা আৰণ্যকৰ

২০২৩ চনৰ নৱবৰ্ষৰ প্ৰাকক্ষণত মুখ্যমন্ত্ৰী হিমন্ত বিশ্ব শৰ্মাই ঘোষণা কৰা অনুসৰি ২০২২ চনৰ ভিতৰত অসমত গঁড় হত্যা শূন্য হোৱা বাবে ৰাজ্য চৰকাৰৰ প্ৰতি কৃতজ্ঞতা জ্ঞাপন কৰিছে
ৰাজ্য চৰকাৰক  প্ৰশংসা আৰণ্যকৰ

গুৱাহাটীঃ ২০২৩ চনৰ নৱবৰ্ষৰ প্ৰাকক্ষণত মুখ্যমন্ত্ৰী হিমন্ত বিশ্ব শৰ্মাই ঘোষণা কৰা অনুসৰি ২০২২ চনৰ ভিতৰত অসমত গঁড় হত্যা শূন্য হোৱাৰ বাবে ৰাজ্য চৰকাৰৰ প্ৰতি কৃতজ্ঞতা জ্ঞাপন কৰিছে আৰাণ্যকে । চোৰাং চিকাৰে বিপন্ন প্ৰজাতিসমূহ সুৰক্ষিত কৰাৰ বাবে সংৰক্ষণৰ ব্যৱস্থাসমূহক ক্ষতিগ্ৰস্ত কৰে। আই ইউ চি এন ৰেড লিষ্ট অৱ থ্ৰেটেড এনিমেলত দুৰ্বল প্ৰজাতি হিচাপে তালিকাভুক্ত গ্ৰেটাৰ ৱান-হৰ্ণড ৰাইনোচেৰছ অবৈধ বন্যপ্ৰাণী ব্যৱসায়ৰ এক লাভজনক লক্ষ্য। উত্তৰ-পূব ভাৰত হৈছে দক্ষিণ আৰু দক্ষিণ-পূব এছিয়াৰ গ্ৰাহক দেশলৈ যোৱা অবৈধ বন্যপ্ৰাণী সামগ্ৰীৰ অন্যতম ট্ৰেনজিট পথ। অসমৰ বন বিভাগ আৰু অসম আৰক্ষীকে ধৰি অন্যান্য লাইন বিভাগৰ 'জিৰ' প'চিং'ৰ লক্ষ্য পূৰণৰ দিশত সক্ৰিয় প্ৰচেষ্টাৰ বাবেই ২০২২ চনত অসমত চোৰাংচিকাৰীয়ে এটাও গঁড় গুলীয়াই হত্যা কৰিব পৰা নাছিল । গঁড় আৰু অন্যান্য বন্যপ্ৰাণীক চোৰাং চিকাৰৰ পৰা ৰক্ষা কৰাৰ দায়িত্ব অৱশ্যে চৰকাৰী সংস্থাসমূহৰ উপৰিও অন্যান্য অংশীদাৰসকলৰ ওপৰতো নিহিত হৈ আছে।

Related Stories

No stories found.
logo
Sentinel Assam - Assamese
assamese.sentinelassam.com