অসমঃ কামৰূপত ভূমি বিবাদক লৈ সংঘৰ্ষত এজন নিহত, ১২ জন আহত

আৰক্ষীৰ মতে, সোণটোলী অঞ্চলৰ কিছমত কথমী গাঁৱৰ এটুকুৰা মাটিক লৈ সংঘটিত হোৱা এই বিবাদ অৱশেষত হিংসাত্মক ৰূপ ধাৰণ কৰে।
অসমঃ কামৰূপত ভূমি বিবাদক লৈ সংঘৰ্ষত এজন নিহত, ১২ জন আহত

কামৰূপঃ অসমৰ কামৰূপ জিলাত বৃহস্পতিবাৰে ভূমি বিবাদক লৈ সংঘটিত হোৱা সংঘৰ্ষত এজন লোক নিহত হোৱাৰ বিপৰীতে ১২ জন লোক আহত হয়।

খবৰ অনুসৰি বৃহস্পতিবাৰে পুৱা সোণতলী অঞ্চলত সংঘটিত হয় এই ঘটনা।

কামৰূপৰ আৰক্ষী অধীক্ষক হিতেশ ৰায়ৰ উদ্ধৃতিৰে এএনআইয়ে প্ৰকাশ কৰিছে যে, "এটা ভূমি বিবাদক লৈ দুটা গোটৰ মাজত সংঘটিত হোৱা সংঘৰ্ষত এজন লোক নিহত হোৱাৰ লগতে আন ১২ জন আহত হয়। ঘটনা সন্দৰ্ভত আমি চাৰিজনক গ্ৰেপ্তাৰ কৰিছো।"

মৃত লোকজনক স্থানীয় কৃষক বুলি জানিব পৰা গৈছে।

আৰক্ষীৰ মতে, সোণটোলী অঞ্চলৰ কিছমত কথমী গাঁৱৰ এটুকুৰা মাটিক লৈ সংঘটিত হোৱা এই বিবাদ অৱশেষত হিংসাত্মক ৰূপ ধাৰণ কৰে। লোহাৰ ৰড, লাঠি আৰু চোকা অস্ত্ৰৰে দুয়োটা দলে প্ৰত্যেককে আক্ৰমণ কৰে।

আহত আটাইকেইজনকে প্ৰথম অৱস্থাত সোণতোলী প্ৰাথমিক স্বাস্থ্য কেন্দ্ৰলৈ লৈ যোৱা হৈছিল যাৰ ভিতৰত ৮ জনক চিকিৎসাৰ বাবে গুৱাহাটী চিকিৎসা মহাবিদ্যালয় আৰু চিকিৎসালয়লৈ প্ৰেৰণ কৰা হৈছিল।

চলিত বৰ্ষৰ মাৰ্চ মাহত দুটা পৰিয়ালৰ মাজত এটুকুৰা মাটিৰ বাবে হোৱা বিবাদক লৈ সংঘৰ্ষত ছফিয়া খাতুন নামৰ এগৰাকী বিবাহিত মহিলাক হেক কৰি হত্যা কৰাৰ লগতে মহিলাৰ লগতে শিশুসহ ১০ জনৰো অধিক লোক গুৰুতৰভাৱে আহত হোৱাৰ অভিযোগ উত্থাপন হৈছে নগাঁও ইটাপৰাত নগাঁও চহৰৰ বাহিৰৰ অঞ্চলত।

সূত্ৰই জনোৱা মতে, গুৰুতৰভাৱে আহত হোৱাসকলৰ ভিতৰত আছে নুৰজামাল, টাইবুৰ ৰহমান, হোবিবুৰ ৰহমান, ৰূপসানা খাতুন, ফাইজুন নেহাৰ, হাফিজা খাতুন, আৰু চাৰিটা শিশু।

আহত আটাইকেইজনক ততাতৈয়াকৈ চিকিৎসাৰ বাবে নগাঁও বি পি অসামৰিক চিকিৎসালয়ত ভৰ্তি কৰোৱা হৈছে বুলি সূত্ৰই লগতে প্ৰকাশ কৰিছে।

লাভ কৰা তথ্য অনুসৰি জাকিৰ হুছেইনৰ আব্দুল চালাম আদিৰ সৈতে বছৰতকৈ অধিক সময় ধৰি মাটিৰ টুকুৰাক লৈ বিবাদ হৈছিল। এই বিবাদৰ পিছতে চোকা অস্ত্ৰৰে সুসজ্জিত আব্দুল চালামকে ধৰি চুত ৰূপহী অঞ্চলৰ আন লোকে তাণ্ডৱ চলাই জাকিৰ হুছেইনৰ পৰিয়ালৰ লোকক চোকা অস্ত্ৰৰে আক্ৰমণ কৰাৰ অভিযোগ উত্থাপন হৈছে।

ফলত জাকিৰ হুছেইনৰ পত্নী চুফিয়া খাতুন থিতাতে নিহত হোৱাৰ লগতে একেটা পৰিয়ালৰ শিশু-মহিলাসহ ১০ জনতকৈ অধিক লোক গুৰুতৰভাৱে আহত হয়।

logo
Sentinel Assam - Assamese
assamese.sentinelassam.com