গুৱাহাটীঃ মঙলবাৰে মৰিগাঁৱত ৰাজ্যিক কাৰ্যনিৰ্বাহকৰ বৈঠকৰ প্ৰাকক্ষণত সোমবাৰে বিজেপিৰ ৰাজ্যিক ইউনিটে এখন বৈঠক অনুষ্ঠিত কৰে। বিষয়ববীয়াৰ সভাত সভাপতিত্ব কৰে ৰাজ্যিক বিজেপিৰ সভাপতি ভবেশ কলিতাই। বৈঠকত অংশগ্ৰহণ কৰি মুখ্যমন্ত্ৰী হিমন্ত বিশ্ব শৰ্মাই ৰাজ্যিক ইউনিটক গুজৰাটত দলৰ সাংগঠনিক আৰ্হি অনুকৰণ কৰি অসমত সামাজিক আন্দোলন চলোৱাৰ ক্ষেত্ৰত আগভাগ ল'বলৈ আহ্বান জনায়।
আনহাতে, শেহতীয়াকৈ নতুন দিল্লীত বিজেপিৰ ৰাষ্ট্ৰীয় কার্যনির্বাহক বৈঠকত লোৱা সিদ্ধান্তৰ বিষয়ে বিশদভাৱে প্রকাশ কৰে প্রাক্তন মুখ্যমন্ত্রী সর্বানন্দ সোণোৱালে৷ কেন্দ্ৰীয় চৰকাৰৰ বিভিন্ন আঁচনি আৰু কাৰ্যসূচী সন্দৰ্ভত জনসাধাৰণৰ মাজত সজাগতা সৃষ্টি কৰিবলৈ দলৰ নেতা-কৰ্মীসকলক আহ্বান জনায়। সভাত অংশগ্ৰহণ কৰাসকলৰ ভিতৰত আছিল দলৰ জিলা ইউনিটৰ সভাপতি, জিলা প্ৰভাৰী আৰু সহ-ভাৰপ্ৰাপ্ত আৰু অন্যান্য ৰাজ্যিক পৰ্যায়ৰ বিষয়ববীয়াসকল।
লগতে পঢ়ক: ''নেতাজীয়ে দেশপ্ৰেম আৰু জাতীয়তাবাদৰ সাৰ্থক ৰূপ দিছিল'' মুখ্যমন্ত্ৰী