জনতা ভৱনত কেফে উদ্বোধন মুখ্যমন্ত্ৰী হিমন্ত বিশ্ব শৰ্মাৰ

মুখ্যমন্ত্রী ড০ হিমন্ত বিশ্ব শর্মাই আজি জনতা ভৱনৰ চৌহদত এখন মিলেট কেফে উদ্বোধন কৰে৷
জনতা ভৱনত কেফে উদ্বোধন মুখ্যমন্ত্ৰী হিমন্ত বিশ্ব শৰ্মাৰ

গুৱাহাটীঃ জনতা ভৱনৰ চৌহদত আজি মুখ্যমন্ত্রী ড০ হিমন্ত বিশ্ব শর্মাই এখন মিলেট কেফে উদ্বোধন কৰে৷ এই উপলক্ষে ভাষণ দি মুখ্যমন্ত্ৰীয়ে কয় যে জনতা ভৱনৰ কৰ্মচাৰীসকলৰ পুষ্টিকৰ খাদ্যৰ প্ৰতি গুৰুত্ব দি কেফেখন মুকলি কৰা হৈছে। ড০ শৰ্মাই লগতে কয় যে ৰাজ্যিক সচিবালয়ৰ কৰ্মচাৰীসকলৰ প্ৰয়োজনীয়তাক লক্ষ্য কৰি মিলেট কেফে মুকলি কৰি মই সুখী।মুখ্যমন্ত্রীগৰাকীয়ে লগতে কয় যে ৰাজ্য চৰকাৰে বাজৰাৰ পৰা পুষ্টি লাভ কৰাত সহায়ৰ বাবে ২০২২ চনৰ ১৬ নৱেম্বৰত বাজৰা অভিযান আৰম্ভ কৰিছিল৷ তেওঁ কয় যে ৰাজ্যৰ কৃষি ব্যৱস্থা যদিও ধানৰ খেতিৰ লগত মিলি গৈছে, ৰাজ্য চৰকাৰে বৈচিত্ৰ্য আনিব বিচাৰিছিল। সেয়েহে বৈচিত্ৰ্য আৰু স্বাৱলম্বীতাত অৰিহণা যোগাবলৈ অসম বাজৰা মিছন আৰম্ভ কৰা হয়।

logo
Sentinel Assam - Assamese
assamese.sentinelassam.com