গুৱাহাটীঃ লোকসভাৰ সাংসদ তথা অল ইণ্ডিয়া ইউনাইটেড ডেমক্ৰেটিক ফ্ৰণ্টৰ (এআইইউডিএফ) মুৰব্বী বদৰুদ্দিন আজমলে ১০ জুলাইত আগন্তুক ঈদ-উল-আধাৰ সময়ত মুছলমান সম্প্ৰদায়ক গৰু বলি নিদিবলৈ আহ্বান জনাইছে।
'' যিহেতু ভাৰতত বিভিন্ন সম্প্ৰদায়, জাতিগত গোট আৰু ধৰ্মৰ ব্যক্তি বাস কৰে। গৰুক পবিত্ৰ প্ৰতীক হিচাপে উপাসনা কৰা সনাতন ধৰ্ম সংখ্যাগৰিষ্ঠ ভাৰতীয়ই পালন কৰে। হিন্দুসকলে গৰুক মাতৃ হিচাপে গণ্য কৰে,'' সংবাদ মাধ্যমৰ প্ৰতিবেদনত তেওঁক উদ্ধৃত কৰি কোৱা হৈছে।
তেওঁ আৰু কৈছিল যে ইছলামে কোনো জন্তুক আঘাত নকৰিবলৈ কয়।
"সেয়েহে মই মুছলমানসকলক ঈদৰ সময়ত গৰু হত্যা নকৰিবলৈ অনুৰোধ জনাইছো। আমি এই প্ৰথাৰ ওপৰত তীব্ৰ আপত্তি জনাইছো,'' তেওঁ লগতে কয়।
তেওঁ মুছলমান সম্প্ৰদায়ক ধৰ্মীয় দায়বদ্ধতা পূৰণ কৰিবলৈ আৰু আনৰ অনুভূতিক আঘাত নকৰিবলৈ আন জন্তু ব্যৱহাৰ কৰি বলি দান কৰিবলৈ অনুৰোধ জনাইছিল।
''দুবছৰ আগতে দেশৰ সৰ্ববৃহৎ ইছলামিক একাডেমিক প্ৰতিষ্ঠান দাৰুল উলুম দেওবন্দেও ঈদ-উল-আধাত গৰু বলি নিদিবলৈ আবেদন জাৰি কৰিছিল,'' তেওঁ কয়।
অসমত, ৰাজ্য চৰকাৰে যোৱা বছৰ গোমাংস খোৱা সম্প্ৰদায়ৰ আধিপত্য থকা এলেকাবোৰত আৰু ১৫-১৬ শতিকাৰ সাধু-সংস্কাৰক শ্ৰীমন্ত শংকৰদেৱৰ দ্বাৰা গঠিত মন্দিৰ আৰু 'সত্ৰ'ৰ ৫ কিলোমিটাৰ ব্যাসাৰ্ধৰ ভিতৰত গোমাংস বিক্ৰীৰ ওপৰত নিষেধাজ্ঞা আৰোপ কৰিছিল।
