গুৱাহাটীঃ অজ্ঞাত সশস্ত্ৰ দুৰ্বৃত্তই এগৰাকী ব্যৱসায়ীক আক্ৰমণ কৰাৰ ঘটনাই পুনৰ এবাৰ চাঞ্চ্যলৰ সৃষ্টি হৈছে কোকৰাঝাৰ জিলাৰ বৃহত্তৰ চালাকাটি অঞ্চলত। এটা সপ্তাহৰ ভিতৰত এনে ধৰণে দুগৰাকী ব্যক্তিক আক্ৰমণ কৰাৰ ঘটনাই জোকাৰি হৈছে অঞ্চলটোৰ লোক সকলক।
অস্ত্ৰ-শস্ত্ৰৰ ভাবুকি দি ডকাইতে লুটিছিল বিকাশ জৈন নামৰ ব্যৱসায়ীজনক।
প্ৰতিবেদন অনুসৰি, ডকাইতৰ দলটো শুক্ৰবাৰে নিশা ৮ বজাত বস্তু কিনিবলৈ ব্যৱসায়ীজনৰ দোকানলৈ আহিছিল।
ব্যৱসায়ীজনৰ মতে, ডকাইতসকলে নিজকে কামতাপুৰ লিবাৰেচন অৰ্গেনাইজেচন (কে.এল.অ'.)ৰ কেডাৰ হিচাপে পৰিচয় দিছিল আৰু তেওঁৰ পৰা ধন দাবী কৰিছিল। যেতিয়া ব্যৱসায়ীজনে দাবীটো অস্বীকাৰ কৰিছিল, ডকাইতসকলে পিষ্টলৰ বাটেৰে তেওঁৰ মূৰত প্ৰহাৰ কৰিছিল।
ডকাইতসকলে তেওঁৰ দোকানখন ভাঙি প্ৰবেশ কৰিছিল আৰু ২০,০০০ টকা লৈ গৈছিল। ডকাইতসকলে ব্যৱসায়ী কৃষ্ণ বৰ্মনৰ সহকৰ্মীকো আক্ৰমণ কৰিছিল।
এতিয়ালৈকে, কোকৰাঝাৰ আৰক্ষী থানাই বিষয়টো চোৱা-চিতা কৰি আছে। আৰক্ষীৰ মতে, এই ঘটনাসন্দৰ্ভত এতিয়ালৈকে ৫ জন লোকক গ্ৰেপ্তাৰ কৰা হৈছে।
কোকৰাঝাৰৰ এজন জ্যেষ্ঠ আৰক্ষী বিষয়াই কয়, "বিভিন্ন স্থানৰ পৰা খবৰ পোৱা ঘটনাৰ বিৰুদ্ধে আৰক্ষী প্ৰশাসনে কঠোৰ পদক্ষেপ গ্ৰহণ কৰিছে আৰু সমগ্ৰ জিলাতে তীব্ৰ নিৰাপত্তা ৰক্ষা কৰিছে"।
আৰু পঢ়ক: ইটালীৰ জনপ্ৰিয় ফেশ্বন আলোচনী- গ্ৰাজিয়াত অসমৰ লভলিনা বৰগোহাঁইৰ পদাপৰ্ণ