গুৱাহাটীঃ বডোলেণ্ড টেৰিটৰিয়েল ৰিজিঅ'নত অতিৰিক্ত ৪৩খন ৰাজহ গাঁও আৰু ১৭খন বনাঞ্চল গাঁও অন্তৰ্ভুক্ত কৰা হ'ব বুলি বৃহস্পতিবাৰে মুখ্যমন্ত্ৰী হিমন্ত বিশ্ব শৰ্মাই ঘোষণা কৰাত মিশ্ৰিত প্ৰতিক্ৰিয়াৰ সৃষ্টি হৈছে। শুকুৰবাৰে বিটিআৰৰ মুখ্য কাৰ্যবাহী সদস্য প্ৰমোদ বড়োৱে মুখ্যমন্ত্ৰীৰ এই ঘোষণাক আদৰণি জনাই কয়, "বডোছৰ পিতৃ বডোফা উপেন্দ্ৰ নাথ ব্ৰহ্মৰ সপোন পূৰণ হ'বলৈ গৈ আছে"। তেওঁ মুখ্যমন্ত্ৰীক ধন্যবাদ জনাই কয়- "বিটিআৰ শান্তি চুক্তিৰ দফাসমূহ কাৰ্যকৰী কৰাৰ ৰূপত বিটিআৰলৈ আপোনাৰ উপহাৰ"।বড়োয়ে লগতে কয় যে বিটিআৰৰ সীমা নিৰ্ধাৰণ কৰা আৰু বড়ো চুক্তিৰ দফা অনুসৰি ৮০ শতাংশতকৈ অধিক বড়ো জনসংখ্যা থকা ঢেকিয়াজুলি, ছুটিয়া, বিশ্বনাথ, বেহালী আৰু গহপুৰ এলএচিৰ ৪৩খন ৰাজহ গাঁও আৰু ১৭খন বনাঞ্চল গাঁও অন্তৰ্ভুক্ত কৰাটো অতি আদৰণীয় ঘোষণা।
লগতে পঢ়ক: ভাৰ্চুৱেল মোডত আৰ টি আইৰ গোচৰ নিষ্পত্তি
