গুৱাহাটীঃ যোৱা বছৰ নৱেম্বৰ আৰু ডিচেম্বৰ মাহত আফ্ৰিকান ছোৱাইন ফ্লু (এ এছ এফ)ৰ পৰা অসমত কোনো ধৰণৰ ৰেহাই দেখা পোৱা নাছিল কাৰণ এই দুমাহৰ ভিতৰত ৰাজ্যখনত চাৰিটা এপিচেণ্টাৰ ধৰা পৰিছিল। ঘৰচীয়া আৰু বনৰীয়া গাহৰিৰ মাজত অতি সংক্ৰামক ভাইৰাছ বিধ। ২০২০ চনৰ মে' মাহত কোভিড মহামাৰীৰ সময়ত অসমত প্ৰথমবাৰৰ বাবে ধৰা পৰিছিল এই ভাইৰাছ। গাহৰিৰ পৰা মানুহলৈ এই ৰোগ সংক্ৰমিত নহয়। বিজ্ঞানীসকলে এতিয়ালৈকে এ এছ এফৰ বাবে কোনো ফলপ্ৰসূ ভেকচিন উলিয়াব পৰা নাই। এই ৰোগৰ সংক্ৰমণ ৰোধ কৰিবলৈ আক্ৰান্ত গাহৰিবোৰক হত্যা কৰাৰ বাহিৰে আন উপায় নাই।
